Zumlotu nihcun CNF le Carson le Laura thawngin Chin miphun ramdang kan phan an ti.

Zumlotu nihcun CNF le Carson le Laura thawngin Chin miphun ramdang kan phan an ti. Asinain Bible nihcun hi ramṭha an hruaitu hna le an kalpi tu hna cu Keimah Bawipa ka si ati.

Zumlotu nihcun va fate a cawmtu cu anu(vapi) asi an ti. Asinain Bible nihcun Bawipa Pathian nih a cawm a ti. Zumlotu nihcun fanu/pa dawh cuzat kan ngei an ti. Asinain Bible nihcun Bawipa pekmi rosung fanu/pa dawh an si ati.

Zumlotu nihcun thilnung vialte hna hi vawlei in aa semmi asi an ti. Asinain Bible nihcun van le vawlei le zeizong vialte hi Bawipa sermi an si ati.Zumlotu nihcun kan ram, kan miphun, kan vawlei asi an ti. Asinain Bible nihcun zeizong vialte hi Bawipa ta asi ati.

Zumlotu nihcun ka ti khawh, ka tuah khawh, ka co khawh, teinak ka hmuh an ti. Asinain Bible nihcun Jesuh Khrih loin nan tuah khawhmi zeihmanh a um lo ati.Zumlotu nih rianṭha ka hmuh, innṭha ka cawk, Motor ṭha ka cawk, business ka tuah ka awngmin an ti. Asinain Bible nihcun zeizong vialte hi Bawipa thluachuahmi asi ati.

Zumlotu nihcun nulepa sualnak, Abortion le same-sex marriage cu kanmah duhthimnak le biachahnak right asi an ti. Asinain Bible nihcun Bawipa nawlngaihlo le sualman cu thihnak asi ati.

Zumlotu nihcun vawleicung kan thih hlan ahhin kan duhmi paoh kan tuah lai, kan inuam lai i hawikomhnak kan ngei lai an ti. Asinain Bible nihcun nan duhmi paoh tuah ko u, asinain biaceihnak nan ing lai ati.

Zumlotu nihcun thaizing ah cucu ka tuah lai, hmaithla ah cucu ka tuah lai, hmaikum ah cucu ka tuah lai tiah an ti. Asinain Bible nihcun Bawipa a hnatlak ahcun cucu ka tuah lai ti deuh, thaizing ah nan nunnak zei a lawh lai na hngal lo ati. Zumlotu nihcun vawlei kan thih hi kan donghnak asi ko an ti. Asinain Bible nihcun thih hnu zungzal umnak na thlarau caah timhciatein um ati.

Zumlotu nihcun vawlei hi zungzal a hmun lai. Caan dongh a um lai lo an ti. Asinain Bible nihcun vawlei hi a rawk lai, van thar le vawlei thar a ra lai tiah ati.Zumlotu nihcun Hell tlak a um lo tiah an ti. Asinain Bible nihcun Jesuh Khrih a zumlomi paoh cu zungzal hremhmun ah an hacang an rial lai ati.

Zumlotu nihcun sualnak ka tuah lo sualngaihchih awk ka ngei lo. Miṭha ka si ko an ti. Asinain Bible nihcun minung hi kan sual dih caah Pathian sunparnak kan bau dih ati. Cucaah na sualnak ingaihchih law ngaihthiam na si ko lai ati.Credit-James Vanneilian

Be the first to comment

Leave a Reply

Your email address will not be published.


*