Zualko Rest in Peace Rev. Dr. EvanRohming Liana.

Thawngthachim thiam minthang Evan Rohmingliana cu April 29 zing, Aizawl khuapi ah a nunnak a liam, tiah kan theih.

A nupi cu Pi Muani a si. 2020 kum thimnak lio ah Chin Affairs Minister a tling mi a si.
The Hakha Times

Rest in Peace Rev. Dr. EvanRohming Liana.
Kan miphun Arfi pakhat kan sung than. Ramtha ah rak chuak seh law,
Vawleipi theih Theologian pakhat a si hrimhrim lai ka rak ti tawn.

Ram tha le Institution tha um lo bu in, Chin mi dihlak thawngtha bia lei in a rak hninh khawh. Amah field ah cun Legend a si thiamthiam. Kan in siang lo tuk Pu Hming, kan U, kan Pa le kan hawi tha. Credit- Thawng Tha Thang

Tulio Boruak Bultan Vawlei le minung hi a nganfak tuk cangmi. Harnak, ttahnak, buainak le tuarnak in nikhat hnu nikhat a khat chin lengmang. Daihnak, hnangamnak, lawmhnak, lungtlinnak le zalonnak taktak hi – vawlei ah a rak um kho lo. A mak hi ka ti tuk ve. Tulio dirhmun van bih tlawmpal van bih duak ahcun:

1) Covid-19 doh cuahmah si. Sii le vaccine taktak an hmuchuak kho rih lo. Ting 3 leng an thi cang. Ruakkuang thuatpiak in phummi, a khangh in khanghpiakmi an um. Cun, siizung ah zawmi mah lawng lileng le vansang in um si. A chinchap ah ngaihnak zong “mah chungkhar lawng” nih tuar si. Lenkai le umtti ngam zong si lo. Tulio vawlei khuasak le nun taksa mit hmanh in a nuamh loning hi – a mak lawlaw. Thlarau mit cun, muihnak le mangttam lei ah kan panh cang.

2) 21 Myanmar Revolution min in Kawl ralkap (KR) doh cuahmah si. Civilmi le ralkap he a thimi dihlak hi 1000+ cu an si cang lai. Zaran eidin, himnak runvennak ah lungretheih, vansan le harsat si. Cu lioah, CDM tuah duh lomi, SAC ah rianttuanmi le KR sinah ttangmi zong an rak um hoi. A chinchap ah Chinmi cu chunglei in kan buai curh. Mah ttanhnak tam, lunghrinh tiori (conspiracy theory) a karh – SoMe ah zultu (followers) tam ngeimi, minthang le mirum biachimmi “news” hehchet an char ve.

3) “Humanitarian crisis” a tam hoi. Million in rawl, ti, inn, sii le umnak chambaumi an um. Tulio Myanmar dirhmun zong hi ai pehzulh thluahmah cun “humanitarian crisis” nganpi a tlung lai. Mizoram le Thailand ramri ah zammi an tampi cang. Myanmar hi Covid-19 le humanitarian crisis nih fakpi khin tlunhnawh sual sehlaw, CDM le KR dohnak hi a dai sual khomi si. Thlacam cio kan hau.

4) “Climate change” kong zong phisin khawh si rih lo. Vawlei khuati le khuacaan a chia chinchin. Tilian (nawng), meitlang, meikang le rocarnak a karh. Tulio Mizoram zong meiphalh ah an buai curh lio si. “Covid-19 le climate change” hi zaran nih a kong theih le hngalh zong an huam setsai ti lo. Tulio vawlei dirhmun le hmailei kong ruah (cuanh) ah biapi taktakmi an si. Lungsau deuh le nawlngaih deuh paoh him le luat dawh ai si cang.

5) Terrorist an van pawt tthan ve. Denmark zong ralhrang tlerhkhawnnak le tthihphaihnak a van karh. Myanmar ah KR cu terrorist in an um ve. Tlangcung hriamtlai le CDF nih KR hi NUG dirkamhnak in an tei te hnga dek maw? Lau ding, phan ding le ralrin ding a tam ko. Zawtnak, tapung le sualnak chungin himnak le luatnak kawl cio kan hau.

6) Thlarau mangttam ai thawk cang. Minung nunnak, lungthin, ruahnak le ziaza ah Pathian bia a pil in nung kho ti lo. Pathian biaknak le thangtthatnak nikhat hnu nikhat a zor. Taksa hlawhtlinnak le diriamhnak in kan nunnak cu tah le cuaithlai si cang. Bible biatak hoih in chimmi gospel lawng nih mi nunnak a thleng cang lai. A “deu le tak gospel” timi gospel kha ai hliah cang lai. Tulio vawlei dirhmun hoih cun “cozah pakhat, tangka pakhat le numbar pakhat” min in kalnak ding lam a nai. Tulio hi thlarau mangttam in luatnak caah “biatak” kawl caan si ve.

Note: Mah vial kha tulio boruak bultan cu si rih seh. May 13, 2021 ah “Unionen Burma – et ufærdigt projekt” cauk cawk philh te hlah!
Credit, Van Nun Lian

Be the first to comment

Leave a Reply

Your email address will not be published.


*