Zualko: Malaysia ah Van Kim Lian le Nang Lian Sang nih an kan thih tak

Malaysia ah Chin mi pahnih Van Kim Lian le Nang Lian Sang nih mah le mah i thahnak in an kan liam tak tiah kan theih. Van Kim Lian hi Malaysia, Selangor pengkulh Klang ah a um mi a si i December 24, 2020 zaan ah khan a mah tein a nunnak aa la tiah theih asi.
Cun Nang Lian Sang zong hi December 29, 2020 zaan ah khan a mah tein a nunnak aa la ve. An pahnih tein an ruak cu January 6, 2021 ah Kawlram, an chuahkehnak khua ah tlun pi an si lai.

Van Kim Lian (kum 32) hi Kalaymyo ah a chuak mi a si i chungkhar lei nih Kawlram ah a ruak phak ter an duh caah Chin Community nih an tawlrel cuahmah lio a si.  Nang Lian Sang (kum 29) zong hi Kalay pengkulh Maok Lin khua mi a si.

Van Kim Lian hi December 24 Christmas lai Ni te ah khan zaan ah a mah tein a nunnak aa la mi a si. A mah hi Malaysia, Selangor pengkulh, Klang khua ah rian a ttuan mi a si. Cun Nang Lian Sang hi Malaysia, Kuala Lumpur ah a um mi a si i December 29 ahkhan amah le amah a nunnak aa la ve.

An pahnih tein an ruak cu Kawlram lei ah tlunpi ding in timhtuah cuahmah an si. Tluang tein an ruak khua ah an phak mi khawhnak lai thlacamnak zong in bawm cio hram hna usih. Tantak mi chungkhar dihlak Pathian nih hnem hram hna seh.
 Credit-V.O.M Journal

Be the first to comment

Leave a Reply

Your email address will not be published.


*