ZPBA nih ka pu caah Pathian sin lung lawmh thlacamnak caan an hmanpinak.

Hmurka nih lawmhnak bia a tlinh kholo mi ZPBA tuahserhnak rumro asi ko. Thawngpang chiat le pulrai lakah ruahnak, chawva le caan tampi pek in ka pu Rev. Khua Thawng cungah hibantuk thilttha nan va tuah hi ruah tikah kan i lawmhnak hi hmurka nih a tlinh kho hrim lo.

Pathian tu nih nan thilttha tuahmi in theihpiak hna seh law ZPBA a rian ttuannak ah thluachuah zaa he lam hruai chin ko seh tiah a chung le nih thla kan in campiak ve hna.

A hlei ce in pumpak in aa va tel kho mi ZPBA chung, Pathian rianttuantu vialte hna nan cung ah kaa lawm khun. Hi vedio tawite chung ah nan mui ka vun in hmuh hna i keimah pumpak hrim ka thla a lum i, nanmah thawng longlong in zei poh tlam a tling ti ka hmuh khawh i, nan cung cio ah kaa lawmhnak ka langhter duh.

Kei zong ka pum cu hmundang a um lio, asnain ka thinlung cu nan sin te ah aa rak tel ve ko. Hla hruai tu hna te Kio le Suisui hrim nan cung ah kaa lawm khun. Nan vedio hi voi tam ial ka zoh nolh i, nan hla zong keimah pi long ka sak len ve.

Khuami tampi zong nan mui kan hmuh hna i kan ngaihnak hna a zual. Hei si thiam seh law cu a tu bak hi khua ah rak tlun colh hna ka lung achuak. Cun, khuami hna nan reitheih lai ding le nan caan pek laiding khi ka hei tuakchih tikah pumpak pakhat cio hika hmun tuin nan cung ah kaa lawmhnak langhter ka duh. Pathian tu nih nan retheihnak in theihpiak hna seh law nan saduhthah cio zong tlamtlinter ko seh.

Lawmhnak bia chim cu a dih kho ding asilo caah ngol chung ko ning. ZPBA rianttuantu hna, ka pu nih a phutawk lomi conglawmh nak nan pekmi hi a minung sinak sihrimloin, caan pekin rian a rak ttuanpiak mi Pathian tu kha sunparnak nan pekmi asi ti hi a chung le nih kan i fiang tuk.

Cucaah ka pu zong hi hnu hmailei ah Pathian nih nun damnak kan pekpiak rih seh law, ZPBA pi zong Pathian ramkauhnak caah tthawngchin ko seh tiah thlazaa cam bu le lawmhnak nganpi he.Credit-Khampi
12.20.2020

Be the first to comment

Leave a Reply

Your email address will not be published.


*