Zinglei 9:00 Am hrawngah KCA Ralkhamhnak cu Ralkap nih an lak khawh hnu ah JCB in an nawr dih hnu’in an khangh piak dih ti’ah mit in a hmu tunih a chim.

CONDOLENCE, NGAIHCHIATPI NAK KONG
April 7,2021 Zing khuadawi hlan deuh 5:20 Am hrawngah khan Myanmar Ralkap le Palik pawl nih Kalemyot, Tahaan Sang i Bochuk Lam le Tawngzalat Sang i Kyansitta lam cung i Mipi nih Ralkhamhnak an siammi cu Meithalpi le Bomb hmangin kil li in an tuk den hna ca’ah Tahan Lairawn Chin Mino 12 an thi i, Mi-3 ruak cu hi ca ka tial lio tiang an hmu rih lo i, Mino 18 cu Ralkap nih an tlaih hna i LIB-89 ah an hren hna ti’ah theih an si. Cupinah Mino- 20 leng cu hliam hma tuarin hmunhim ah an i zohkhenh ti ah theih asi.

Zinglei 9:00 Am hrawngah KCA Ralkhamhnak cu Ralkap nih an lak khawh hnu ah JCB in an nawr dih hnu’in an khangh piak dih ti’ah mit in a hmu tunih a chim. KCA Mino-18 hna he Siam chawm 12 bore Zun-11,Gas in Siammi meithal- 12, Thalphir Zun- 4, Grenade-5, Siamchawm Mine bomb-8, 12 bore ( Lai meithal kuan) mu- 41, Palang bomb Siammi- 8, Bomb siamnak Wire hri Kual-8, Meithal mu siamnak Suantlang- 4 le Battery box-1 le thil dang pawl an tlaih hna ti’ah Myatwati TV nih a chim.

Misual Lainawng Ralkap lei zong tam lak te an i hliam ve ti’ah theih asi i, Kalemyot Ralkap Si-inn ah an thlop bul hna i Ralkap-3 cu an fak ngai  ti’ah mit in a hmu tu nih an chim. Tahan le Khai kam hrawng cu Kawl Ralkap lawng te an khat i, Zaan Suimilam 9/10 tiang kha mi tlaih ding an kawl cuahmah ko ti’ah Hmunlai ummi pawl nih an chim.Cuca’ah Tahan le Taungzalat,Khaikam hrawng cu a hohmanh Zaan ah an chuak ngam lo i, Innchhung ah an i erhkhumh cio ko hna ti ah thawng kan theih. Mithi chung le an tlaihmi hna chungkhar cungah Ngaihchiatnak kan hrawmpi hna i, Pathiannih hnem ko hnaseh.Credit-MC Biklian

Be the first to comment

Leave a Reply

Your email address will not be published.


*