Zingka tein Mindat ah SAC Ralkap nih Miakpi in an Kah, Helicopter Pahnih in Ralkap an Chap Hna

Nihin zinglei sml. 7:30 hrawng in SAC ralkap nih Mindat khua ah miakpi in an kah i helicopter pahnih zong in ralkap an rak chap hna.

Mindat khuachung i San-min-thiri, Ing-dwin-hmuh sianginn, Na Ta La siang le Semyaung zung (ဆည်မြောင်း) ti bantuk pawl ah hmunhma an khuar hna.

Nizaan ah helicopter pahnih in ralkap an rak chiah cang hna i atu zinglei ah helicopter pahnih khat ralkap pawl an rak chiah tthan hna hi a si. The Chin Journal May 15, Yangon

Sopum Khua SAC Ralkap nih an Sakhaan an Chuahtak.Thantlang peng, Sopum khua ah hmun a khuarmi SAC ralkap nih an sakhaan an chuahtak i an rak kir tthan ti lo, tiah Sopum khuami hna sin in thawng kan theih.

“May 4 ah khan sakhaan in an chuak. Mah sakhaan ah hin ralkap 17 hrawng an um. Hakha, Cawbuk ah an rak i kah hnu zinglei sml. 6:00 ah SKET motor le motorcycle pawl an i cit i sakhaan in an chuak hna,” tiah khuami pakhat nih The Chin Journal ah a chim.

Atu ah cun Sopum khua ah ralkap an um ti lo i, khualuhnak zawn ah mi check tibantuk zong a um ti lo, tiah a cunglei khuami nih a chim chap.The Chin JournalMay 14, HakhaHmanthlak: Sopum Khua, Thantlang peng.

Be the first to comment

Leave a Reply

Your email address will not be published.


*