Zeiruang ah NLD Me Pek A Herh?By-Jacob Thang

Biahmaithi:Hram hram pennak (စစ်အာဏာရှင်စနှစ်) a dihnak ding le a dikmi democracy uknak phung in federal ramkomh pennak a chuah khawhnak dingah minung pakhat nih kan ngeihmi vote hi a biapi tuk caah thlennak taktak a tuah khotu NLD ah vote pek ding in kan sawm hna.

NLD Cozah  Tuan Chuahmi1. Chinram Sifahnak le Eihmur Dohtu NLD – Kum 2013 UNDP ca chuah ning Chin ram misifak (74%) a si nain atu ahcun (58%) a si caah Chinram sifahnak (16%) a tum deuh. Chinram budget cu USDP cozah nih budget 324.522 billion in rian a tuan i NLD cozah nih 856.688 billion in rian a tuan caah 164% in a thangcho deuh kan ti khawh.

NLD cozah nih eihmurnak kan doh caah Union minister (2) le Chief Minister (4) zapi fonh (6) rian in phuah an si. Dinfelnak a tanhmi NLD kan si.
2. Tuanbia Thar Sertu NLD – NLD cozah nih kawl ram ah a um bal lomi tuanbia a tial. Kum 2019-2020 chungah ramchung chuak facang ram leng zuar khawhmi hi 2.25 million tons a si. 2018-19 ah Vawlei cungah khual tlawng tlung kal a tam bik ram cu Myanmar ram a si i zatuak in 40.2 % a si. USA cu pahnih nak a si i 39.2 % a si. Ti chung chuak in hmuhmi 1136.8 billion man ramdang ah kan zuar khawh. NLD lawng nih a tuah khawhmi a si.

3. Miphun Covo Tlukrualnak Sertu NLD – Miphun covo tlukrual a tuantu taktak cu NLD lawng hi a si. NLD chan ah miphun covo tlukrualnak committee zong ser a si i Chin miphun in U Tin Min cu committee chungtel a si.

4. Tihnak Chungin Zalonnak Sertu NLD  – A hlan ah hodah duh paoh in bia a rak chim ngam. NLD cozah a si hnu in zalongte in kan um kal kho cang. Zalongte in bia kan chim kho cang pinah President hna kan soi ngam i lih kan puh ngam cang. Mah hihi Daw Aung San Su Ky nih “Freedom from fair” timi cauk a tialmi kha a tak in NLD cozah nih kan tuan chuahmi zalonnak cu a si.

5. Hramhram Pennak Dohtu NLD – Ralkap uknak thalo hi tlangcungmi nih hriam tlai in doh a si bantuk in Kawl miphun zong nih hriamtlai in an doh ve. Cun NLD nih hriamtlai lo in atu tiang a doh. Kan dohthlen nak a dih rilo. A dikmi democracy uknak phung hmangin federal ram komh ser chuahnak dingah NLD nih thazang a chuah cuahmah lio a si.

6. Deomcracy Federal Pennak Sertu NLD – The 3rd Union Peace Conference 21st Panglung ah Daw Aung San Su Kyi federal principles (5) a chimmi cu tlangcung hriamtlai sihna seh, Ralkap siseh, ram chungmi vialte nih mah hi pei kan duhmi a si cu tiah kan i lawm dih. Cun the 4th Union Peace Conference 21st Panglung ah federal tungtlang pi an sermi cu minsen thutnak in Union Acord ah fehter a si cang. A tak in tuan lawng a tang cang. Cucaah NLD nih Cozah a tuan rih a herh.

2020 Thimnak NLD Ca Thanh Kum 2020 thimnak ah NLD ca thanh cu “Teinak thantar tlinter dingah Me pe usih.” Kum (18) a tling cangmi paoh nih a ho hmanh bau lote in 2020 election ah hin ME thla dih hna usih ti si. Mee thlatu vialte nih NLD ah ME kan peknak a ruang bik cu NLD thanh ca ning in “A dikmi democracy caah NLD Me kan pek”ti hi a si.Kum 2020 thimnak ah NLD nih teinak a hmuh ahcun a talnglei bantuk in rian a tuan lai.

1. Miphun kong kau le ramchung rem daihnak – Kum 70 renglo ram chungmi buainak le miphun tluk rual lonak vialte hna cu remnak daihnak ser in tluk rualte in khuasak ti khawhnak kan ser lai. Hmun khatte ah kan ram thanchonak rian kan tuan ti hna lai.

2. A dikmi democracy federal ramkomh a chuahtertu phunhrampi ser chuahnak – Ram chungmi zapi lungtlinnak in caan sau a nguhmi le a dikmi democracy uknak phun in federal ram komh phunghrampi ser chuahnak dingah rian kan tuan ti hna lai. NLD nih cozah a ser than a hau.3.Caan sau nguh le fekfuan in a himmi thanchonak  – Hmun khat te ah caan sau a nguhmi, a fekfuanmi le a himmi thanchonak rian kan tuan lai.

Bia Tlangkawmnak: Ralkap nih Hramhram uknak chung in kan luatnak dingah ram chung dohthlenak ah caan sau bik a cawlcangmi party a si. Ralkap pennak kan duh lo. Tihphannak kan duh lo. Thancho kan duh. Zalonnak kan duh. Tluk rualnak kan duh. Mah vialte a tlamtlin khawhnak dingah kum 2020 election ah NLD nih teinak hmuh than hau. NLD lohma ban peh zulh in rian tuan a hhau. Cu lohma ban hna cu “Miphun tlukruannak le rem deihnak” kan ram ah kan ser lai. “Democracy Federal Ramkomh Pennak” kan ser lai. Pyine (State) le Taing (Division) cio nih “Phung Hrampi” kan ngei lai. Caan sau a nguhmi “Thanchonak” rian kan tuan lai. Cucaah NLD ah “Me” pe cio hna usih!

NLD candidate hna cu – Pyituh Hluttaw – Pu Tial Ling; Amyotha Hluttaw No.(11)– Prof. Dr. Aye Aye Ngun; Amyotha Hluttaw No. (12) – Ngun le Pu Ngun Vung; Pyine Hluttaw N.1- Pu Thang Cung Za Hoe; Pyine Hluttaw No.2 -Pu Sui Thio hna an si. An dihlak in teinak kan hmuh nak lai NLD ah “Me” pe cio hna usih!

Be the first to comment

Leave a Reply

Your email address will not be published.


*