YLA/YMA nih misual thilak in hremnak nawl an ngei lo.

Dear Dawtmi kan Unau hna:Kan Unau Kyaw Kyaw mual a kan liam tak cu Dawngva a Unau lawng hmanh siloin vawlei killi a ummi lai hritlai Unau dihlak nih nan kan ngeihchiat pi, nan lungfahnak tete zong facebook le social media kip ah ka rak rel ve.Mah thihnak kong he ka ruahnak langhter ka duh ve mi cu,

A pakhatnak ah thil hman (justice must be done) cu a langh bak a hau tiah ka ruah.Pahnihnak ah Hringtu a nu zong nih a ruak an vui cawlh mi kongah a zum hna lo, thil sining ka hlatpiak uh a ti caah tawlrelpiak kho tu minung tahchunnak ah sihni pakhat khat, or a khuami aiawhtu minung pakhatkhat, or Senthang or Lai miphun aiawhtu buu Kan Unau chung in minung nih tuan vo a lak a hau.

A ruang cu hringtu a nu le a unau pakhat hnih nihcun mah thil hi cu an kalpi kho lai lo. Cun Sangau khua cu India ram a si cang caah Mizo holh or Mirang holh a thiammi nih mah case hi a dih tiang an buaipi a hau lai.Mah bantuk case hi cu, cozah pakhat sin i tazacuai rawh cang ahcun a kum kum in a rau lai caah Tangka chawva in nan kan dirpi a hau ko lai.Kan tanti taktak hna ahcun biaceihzung ahcun kan tei hrimhrim hna lai tiah ka ruah.

A ruang cu:YLA/YMA nih misual thilak in hremnak nawl an ngei lo. Misual kha tlaih in police sinah an up ding a si.Cun anmah YLA nih fianternak an langhtermi caphan ahcun tlawmpal kan hrem an ti. Hriamnam an hman caah biaceihzung nih thong a thlak hrim hna lai.Lungtur in a thi tiah Medical reference le Dortor te nih chimmi bia pakhat hmanh um loin an ruahnak an chim.

Keimah nih si kho law ti tiah ka duh cemmi tucu a cung ah ka chim cang bantuk in A khua min in a si lo ah Senthang Miphun or Lai miphun nih kan dir kamh khawh taktak lo ding hna a si ahcun Facebook in mi ngeihchiat lio ah thawng zamh lengmang hi cu ngawl cang hna usih law a tha deuh lai.

NOTE: Kan ngaih thiam khawh hna ahcun kan biak Pathian tu cu aa lawm deuh tuk lai tiah ka ruah.Nan U Nau,Joseph T.L Thang

Be the first to comment

Leave a Reply

Your email address will not be published.


*