YES, Miphun Covo Lak Thannak Caah CNLD

Zei ruang dah CM mah tein thimnak nawl a kan pek duh lo? Hi pakhat te lawng ruat hmanh! Mah tein khuakhan lairelnak covo cu a va hla deuh rih.

A fiangmi bialehnak cu Tlangcung miphun Party an thawng sual lai i Kawl party a thazang a der lai ti an phan caah a si ko.Tulio kawlram cu parliamentary democracy phung a hmang mi kan si caah a thawng i teinak a ngahmi Party ah nawlngeihnak a um ti cu theihcio a si.Politics cu nawlngeihnak i cuh a si caah kan covo pek i anmah nawl ngeihnak a tum chuk ding cu an i harh bak.

Hi nih a langhter mi Kawl party nih hin tlangcung miphun kan covo he aa pehtlaimi paoh pek hi an duh hrim lo.A min men tein zingzan ei barkhim mi thanchonak tuah piak in lem a kan timh.Thanchonak hlan ah miphun covo ngah cu a sung deuh mi a si.An fim caah a sunglawi deuhmi thil cu an siang ve lo.

Tlangcung mi nih dothlennak kan tuah hi thanchonak caah bawmh kan hal hna lo. Kan miphun covo ngah than dingah dohlennak kan tuahmi a si.Bawmhmi si nakin kanmah kutke chuakmi tein pawcawm le thancho kan duh.A tiltawt an thlet mi char kan duh lo.Kan miphun covo ngah than ding caah Suh Kyi thih hngah kan duh lo.Amah le a party rian kha amah tein tuan ve ko seh.Hnahhawh nak kan pe lo.Karen pawl zong thanchonak mit pakhat lawng an rak au ruangah AungSan hruaimi Interim government ah an i tel sual i Panglong ah min thutnak nawl hmanh ngeih loin Aung San nih an miphun pi a aiawh hna kha tuanbia nih a kan cawnpiak cang.

Kan miphun covo ngah thannak ding caah a kan hruaitu upa hna zong nih Suh Kyi le a kuttang pawl thangthat tuk a herh lo.Kan miphun rian te kha tuan ve ko uh.Kan miphun dawtu taktak nih cun Suh Kyi nakin kan in upat deuh hna kha philh hlah uh.

Kan miphun covo ngah thannak ding caah Delhi in Hakha ah CNLD dingah vote ka kawl i vote tam nawn ka ngah cang. Ka kawl chap rih lai. CNLD supporter hna nih comment rel le leh lawng rianh loin nan chungkhat hawihom sinah vote kawl cio uh.Nai thawhnak cu hme hmanh seh law a donghnak cu a lian ngan lai timi Baibal cacang hi kan Chin miphun ca zong a si ve. Vote for CNLD 2020! Credit-Salai Tin Maung Win

Be the first to comment

Leave a Reply

Your email address will not be published.


*