Yangon Mingladon Airport ah US ralkap vanlawng pakhat a tum .

Yangon Mingladon Airport ah US ralkap vanlawng pakhat a tum . Zanlei ah aa let than colh an ti. Mi cheukhat chim nak ah Kawlram um US minung a lak hna an ti. Sinain US ralkap Special Force Air thengtheng rat cu a mak ngai.

Mah raltuknak vanlawng cu Boeing C 17 Globemaster US Air Force timi raltuknak thilri le ralkap a phurmi a si.Credit-Tluang Ceu Thang

Adang relthan:Dohtu Hna Hi Thluachuah Ruahpi An Si Amah hrimhrim nih khan tukforhnak le temhinnak kha a rak in cang caah tukforhnak a ingmi kha a bawmh khawh hna. (Hebru 2:18)

A caan ah cun a kan dohtu le a kan thangchiattu pawl hna khi kan caah thluachuah phurtu ruahpi an rak si tawn. Keh le orh i kan pial sual nakhnga lo dohtu hna khi kan caah vengtu ralhruang an rak si tawn fawn.

Josef a unau pawl nih khan Josef an thlaknak tikhor car chungah Izipt siangpahrang ṭhutdan a um ti kha rak hngal hna seh law cu, tikhor car chungah an rak thla hnga lo. Josef cu a unau pawl nih an doh, sihmanhsehlaw a dohtu hna harsatnak chungin chanhchuahtu ah Bawipa nih a hman. Thluachuah a pek i siangpahrang ṭhutdan ah a ṭhutter, mangṭam in a thi cuahmahmi a unau bawmtu ah a cang.

Khamhnak Hruaitu (Hebru 2:5-18)Pathian nih ser a rak i timhmi vawlei uktu dingah khan vancungmi cu a chia hna lo, atu i kan chimmi hi, cu vawlei kong cu a si. Sihmanhsehlaw Cathiang hmun khat ka ah,
“Pathian, minung hi zeidah a si i a kong hi na ruah? Minung hi zeidah a si i na hnakkar ah na tenh? Caan tawite chung cu vancungmi hna nak niam deuh ah na ser taktak; sunparnak le upatnak kha na chinh i, Zeizong vialte uktu ah na ser,” tiin a um bang khan, a si lehlam. Pathian nih, minung cu, “zeizong vialte uktu” ah a ser ti a si; zeizong vialte timi chungah hin thil vialte an i tel dih. Sihmanhsehlaw minung nih zeizong vialte a uk lo ti cu kan hmuh ko. Cucaah cun a sullam zeidah a si hnga? A sullam cu Jesuh ah khan kan hmuh. Caan tawite chung cu vancungmi nak niam deuh ah khan a ser taktak i cucu Pathian vel thawngin mi vialte kan ca i a thihnak ding caah khan a si. Cun thihnak a inmi ruangah khan atu cu sunparnak le upatnak kha luchin ah chinh a si cang ti kha kan hmuh.

Zeizong vialte a ser i a zohkhenhtu Pathian nih, a sunparnak i fa tampi phakter awkah, Jesuh cu harnak innak in mi tling ah a ser cu aa tlakmi thil hrimhrim a si, zeicahtiah Jesuh cu khamhnak ah a phakpitu hna a si. Minung cu an sualnak kha a thianhpiak hna; minung sualnak a thianhtu le an sualnak a thianhpiakmi hna minung cu, an bu hnih in, an Pa cu aa khat ko. Cu ruangah cun Jesuh nih ka unau hna ti i kawh kha a ning a zak lo. Amah nih, “Pathian, ka unau hna sinah na kong cu ka chim lai, Aa pummi an dihlak hmaiah nangmah cu kan thangṭhat lai,” a ti bang khan a si.

Cun, “Pathian cu kaa bochan,” tiah a ti i, “Pathian nih a ka pekmi ngakchia hna sinah hika ah ka um,” ti zongah a ti fawn. Cun ngakchia tiah a timi hna cu, thi le sa in a nungmi minung an si bantukin, Jesuh zong cu anmah bantuk ah a run i cang i an sining kha aa hrawm ve. Cu bantukin a si cu, thihnak cung i nawl a ngeitu Khuachia kha, a thihnak thawng cun a hrawh nakhnga le thihnak an ṭih ruang i an nun chung vialte sal bantukin khua a sami hna kha a luatter hna nakhnga caah a si. A bawmhmi hna cu vancungmi kha an si lo ti kha a fiang. Cathiang nih, “Abraham tefa kha a bawmh hna,” a ti bantuk khan, a bawmhmi hna cu Abraham tefa tu kha an si.

Cucaah zeizong kip ah a unau hna bantuk kha a si awk hrim a si i cu bantukin a si cu, annih nih sual ngaihthiamnak an hmuh khawh nakhnga ding caah, zumh awk a tlakmi le zaangfah a thiammi an Tlangbawi Ngan a si nakhnga caah a si. Amah hrimhrim nih khan tukforhnak le temhinnak kha a rak in cang caah tukforhnak a ingmi kha a bawmh khawh hna. Hallelujah.

Bawipa nih thluachuahnak kan pekpiak ko seh. Amen.Dinnak kha a cat lomi tiva bantukin luanter camcin ko u (Amos 5:24). Bt-Salai K. Biak Lian Thawng

Be the first to comment

Leave a Reply

Your email address will not be published.


*