Yangon Laimi Bawmhnak Ting 40 Man Thilri Mindat ah Tluang tein a Phan

Yangon ah a ummi Laimi mission rianttuannak Cornerstone Baptist Mission Myanmar (CBMM) le Laimi mibawmtu bu New Generation Youth Foundation (NGYF) nih Mindat ralzaam hna ca ah ting 40 MMK man bawmhnak an kuatmi cu SAC nawl onhnak in ralzaam hna sin tlamtling tein a phan.

CBMM le NGYF hi Myanmar ramchung hmun kip ah bawmhnak a pemi an si i, atutan Mindat ralzaam bawmhnak zong hi SAC ralkap pawl theihpinak le nawl onhnak in Mindat ralzaam sin tiang an lanhpi khawh hi a si.

Mindat bawmhnak an kuatmi ah facang, chiti, thilpuan, vitamin le a dangdang nitin hmanmi chapiat le hattawlnak tibantuk pawl tlamtling ngaiin an i tel hna. The Chin Journal June 2, Yangon

COVID-19 Zawtnak in Rev. Cin Khan Suan a Nunnak a Liam.Tonzaang peng, Cikha khua ah COVID-19 zawtnak in Rev. Cin Khan Suan (kum 73) cu June 1 ah a nunnak a liam.

May 31 zong ah Cikha khua ah naupawi lio nutung pakhat COVID-19 zawtnak in a nunnak a liam cang.

May 26 ah Cikha khua ah minung 100 hrawng thaw dawp-chuah har in an rak zaw i, checknak an tuah hna hnu May 30 tiang ah COVID-19 zawtnak a ngeimi minung 24 an hmuh hna.The Chin Journal June 2, Yangon

Be the first to comment

Leave a Reply

Your email address will not be published.


*