Yangon ah Tlaih a Tongmi Chin Nungak Pahnih an Luat Rih Lo

March thla chung Yangon lamzawhnak ah tlaih a tongmi Chin nungak pahnih an luat rih lo, tiah thawng kan theih.

March 3, Tamwe lamzawhnak ah Yangon University ah a kai liomi Hau Deih Kim tlaih a tong i atu tiang an thlah lo. Insein thonginn ah an chiah tiah chungkhar nih an chim.

March 10, North Okkalapa lamzawhnak ah Asho Chin nungak Zu Zan Phyo zong palik le ralkap nih an tliah ve. Anih hi atu tiang khawzei ah dah an hren timi a umnak an thei lo.

Zu Zan Phyo chungkhar hi Rakhine ramkulh, Ann khua ah a ummi an si i, anih hi Yangon ah rianttuan in a um. March 10 ah a hawile pahnih he palik le ralkap nih an tlaih hna.(Zalen) By-The Chin Journal
March 12, Yangon

Be the first to comment

Leave a Reply

Your email address will not be published.


*