Yangon ah nifatin kai chawk, cawlcanghnak a um ti lo caah lampi ah palek le ralkap hmuh awk an har ngai cang.

Yangon ah nifatin kai chawk, cawlcanghnak a um ti lo caah lampi ah palek le ralkap hmuh awk an har ngai cang. Hledan zong ah dawr tam deuh an hon than cang. An i lungsak cang rua ti awk khin an um.

Hi lio caan ah kan unau paraltha hna nih nunnak thap in kan Chinram ah uknak thalo an doh cuahmahmi zoh tikah upat lo awk an tha lo. Miphun hmai an hngalter. Kan miphun nih ram ca nan pekchanhnak kan philh lai lo.

Hmundang an dai dih caah hmundang um ralkap le hriamnam vialte Chinram ah a hleihluak tuk in an rak hmanmi belte hi lung a tha lo. Pathian tu nih Chin paraltha hna in veng ko hna seh.By– Salai Lungthli Tum

CDF-Hakha le SAC Ralhrang Ni 2 Chung Kahdohnak ah Ralhrang 7 an Thi .May 18, 19 ah CDF-Hakha le SAC Ralhrang karlak kahdohnak voi 4 a chuak i ralhrang 7 an thih pin ah a tlawm bik 19 hliamhma an pu, tiah CDF nih an langhter.

May 18, zanlei sml. 4-5 karlak ah Hakha-Thantlang lam cung i security checkpoint (Hakha University pawng) ah kahdohnak a chuak i ralhrang a tlawm bik 2 hliam an pu.

Cun, Hakhathar lamton (၆-လမ်းဆုံး) ‌kahohnak ah ralhrang 4 an thi i, 9 hrawng hliam an pu.

Hakha-Gangaw lam kahdohnak zong ah ralhrang lei in a tlawm bik 3 hliamhma an pu hna.

May 19 zinglei sml. 5-6 karlak ah SAC ralhrang milu 70 hrawng Hakha-Matupi lam lei ah an kal i CDF-Hakha nih an kah hna. Ralhrang 3 an thi i a tlawm bik 5 hliamhma an pu, tiah CDF nih an langhter.

SAC ralhrang nih CDF-Hakha chungtel pawl i motorcycle 30 leng mei in an kanghpiak hna.

Kalay lei in SAC ralhrang nih thazaang an chap caah kahdohnak a fak chin kho, tiah CDF nih thawngthanhnak ah an langhter.The Chin Journal May 20, Hakha

Be the first to comment

Leave a Reply

Your email address will not be published.


*