Whitelist Hi Ralhrangbu nih Internet An Renghnak pakhat a si

May 25 ah ralhrangbu nih website le domain hman khawh mi whitelist an chuahmi he pehtlaihin Internet kharphihnak phunkhat a si ve tiah Yangon America Embassy nih a thanh.

Mah hmankhawhmi cazin ah Facebook le Twitter bantukin vulei pi nih hmanmi le pehtlaihnak a fawi mi social media pawl an i tel lo ti fiangtein hmuh khawh a si tiah ramchung ramleng hlathlaitu hna nih an fianter.

Ralhrangbu duhlonak aw-an le zoh khawhnak dingah mipi nih covo kan ngei. Vulei cungah a ummi mipi covo a si caah kan kilven ding a si tiah US cozah nih a chim.

Internet kharphihnak a tuah caah Mipi nih an tong ding mi thatlonak kongah Share America nih “Internet renghnak nih ramkhel kong lawng si lo in Covid boruakah mipi theihngalh awk tha mi thawngpang zong an theih khawh ti lailo caah mipi caah chiatnak pakhat a si tiah a tial.

Cu lawng a si lo, internet chihkhat te an kharphih chungah Digital Sipuazi dihlak a thenthek dih tiah Yangon hrambunh Sipuazi hawikom pawl nih an chimh.

A umtuning cu Kawlram sipuazi hi nikhat ah US Dollar 24 million leng a sunghter tiah internet le venhimnak lei a zoh tu bu NetBlock nih a chimh. bbcburmese The Chin Post

Adang relthan:Covid Zohkhenhnak He Pehtlai In Cikha Sii-Inn Ah Harsatnak An Tong.Cikha ah Covid-19 Mizaw pa 7 an hmuh hnuah Cikha Sii_Inn cu harsatnak tampi an tong an buai,chun zaan in sii-inn ah mizaw a zohkhenh tu Chief Nurse le Lab Technician Lun Za En nih a ti.

“Oxygen, thilri le mei zong duhningin hman ding kan ngeih lo pinah mizaw phorhnak mawtaw zong thathi in kan ngei lo. Siibawi zong kan i daih lo, Sii-Inn riantuan minung 11 ah atu minung 3 lawng rian kan tuan” tiah a chim.

Ralhrangbu nih uknak a lak hnuah Siibawi tampi cu CDM ah an luh caah Sii-Inn tampi cu riantuantu an um lo caah khar a si.

Pi Lun Za En nih Cikha ah minung 24 ah kan hmuh mi lakah pa 7 hi sii-inn ah zohkhenh a hau mi, a zual deuhmi an si tiah a ti.

Cikha hi Chin ramkulh India ramri he meng 6 lawng a hlat mi khuapi pakhat a si. Atu ah Stay at Home ah thanh a si. reuters The Chin Post

Be the first to comment

Leave a Reply

Your email address will not be published.


*