Vote for NLD in Chin (Hakha) version Zei thil poh ah thadernak le tha tthawnnak um phun asi.

NLD cozah hi an tlamtling ka ti bak hna lo. Asinain ralkap cozah nak cun mizapi nih kan uar deuh hna ti cu theih ava si. Rian ttuan an thiam kho lo men nan mizapi le ram caah zawnruahnak an ngei deuh lai tiah ka zumh.

Mizapi nih thim lomi ralkap hmun 25% ruang ah kan ram hi democracy tling kan hmuh rih lo cu theih cio asi. Rampi huap in democracy tling hmuh hmasat ding hi kan hmuitinh asi awk asi. Demo tlin hnu ah Federal nih a zulh lai i cu hnu ah miphun runvennak lohma a kal kho lai.

A tu tan ah NLD thimfung hmuhmi va tlawm seh law teinak hmu hna hlah seh law rampi coalition cozah (ညွန့်ပေါင်းအစိုးရ) ser a va si kho i ralbawi zik hna khi president hna a ttuan kho ding ava si hnga. Ralkap nih pennak an lak ah cun kum zeizat dah an rauh tawn ti cu dictatorship uknak tang arak tthang mi nih kan theih bik.

Kan tefa chan ah cun kan mah bantuk tthan ter ding hi sian an si lai lo.NLD party lawng nih kan hmuitinh chunmang atlamtlin ter khawh lai. A liam cia kum 5 ah kan ruah ning tluk in thil an ti khawh lo le an chanbau ko zong ah sik pah hro pah bu le an kong ceih pah buin vote cu pe rih ko hna usi.

A tlamtling dih mi policy le ruling party an um lo caah ruahnak le hmuh ning idan phun asi. Siaherhnak he, Salai Andrew Bawi Sang Lian 03 Nov 2020

Be the first to comment

Leave a Reply

Your email address will not be published.


*