Vomkua hi inn 60 hrawng khuasa an si.

Loduah meitlaan in Vomkua khuami an lungrethei.Thaal ruah a suur lo ca ah ram a rocar i loduah meitlaan in Thantlang Peng Vonkua khuami lungrethei in an um, tiah kan theih.

“Tukum hi nihin tiang thaal ruah a suur bak lo i ram a rocar ngaingai. Mei hi kanmah khua vahcap (lo vah mi) an duah mi lawng si loin kan khua pawng Belhar, Tikir, Salen le Lulpilung khua loduah mi mei zong a si fawn. An phalh khawh tawn nain a tlaan (tlaih) than lengmang i atu hi kan khua kiang thinghual lawng a him cang. A dang cu a kaang dih. Cun, khuapi nih kan toh (din) mi dinti laaknak tipep (pipe) zong a kaangchih i dinti loin khua kan sa. Pipe dang in an remh liopi a si,” tiah khuami pakhat nih The Hakha Times ah a chim.

Vomkua hi inn 60 hrawng khuasa an si. Chinram ah thial lengmang mi tlanglo tuah in paw aa cawm mi tam deuh hi Thantlang Peng khua hna an si. Thaal ruah a suur lo ca ah loduah meitlaan nih ram tampi a tlaih (kanghchih) mi khua zeimawzat an um cio, tiah kan theih. Photo_Vomkua (Internet)The Hakha Times

Nupi Hal le Dohthlennak.Nupi hal ahhin bia i chimpalh a fawite. Bia kaa khat nih thil a sualsan dih tawn. Cucaah, biachimtu hi ciammam in i fial le i thiah a si tawn. Thiah lomi le fial lomi nih duhpaoh in le a herh tuk dah ti lo cun rak holh tuk phung a si lem lo. A haltu lei nih solhphelh bia le thil a nawnnok kho bia hrimrim cu chim phung a si lo. Nungak lei chung nih zeitluk ti hram le biafak i ti zong ah kan tum lengnu co lainak ah zeipaoh kan in a hau tiin i in a si tawn. Faak ngai in man an i hauh zong ah phunsang fanu nang vaang ahcun tiin, kan i hne. Cucaah ‘nupiṭhit le samhriphoih’ ti phungthluk kan i neih phah.

Nupi hal lioah lungsau le thinfual a herhtu cu a haltu lei phu hi kan si. A haltu phu kha mah le mah nungak inn (facebook) ah bia i al le ruahnak dang lengluang chuah lulh phung a si bal lo. Ceihkhan a herhmi a um ahcun innleng ah maw, kaa khatkhat ah dek mah phu lawng i ceihta phung.

Nupi haltu i kan rian lian bik cu kan tum lengnu hal khawh le ṭhit khawh hi a si.

Lengnu co lainak ah; I biatak a herh, Lundongh lo a biapi tuk, Tuar-in le i pekchanh khawh a hau.Lungfim le hnuhmai zoh tein; khuaruah, biachim le cawlcangh thiam a herh peng.

Dohthlennak tuah hi nupi hal he an i lo. Kan rian lianngan bik cu zei dangdang a si lo, kan tum lengnu co ding hi..Credit-Joel Ling

Be the first to comment

Leave a Reply

Your email address will not be published.


*