Van Van zingka i sakhan na rak ven lio ah ka rak ra i, lam na rak ka kham lio le bia kahnih khat te kan i ruahmanh mi kha ka philh lo.

Van Van zingka i sakhan na rak ven lio ah ka rak ra i, lam na rak ka kham lio le bia kahnih khat te kan i ruahmanh mi kha ka philh lo.

Khah Van Van, kan sining hi zam a herh caan a um te lai, zam hmasa mi si hi hawinak in ralchiat asi hlei lo. Nun humhim tu a si deuh tiah bia kan rak riah.

Na rak ka leh mi bia ah, ”thih cu a ho hmanh nih kan duh cio lo. ” A dik ko tiah na rak ka ti. Nain, ”ram thatnak ca’ah cun a thih zong kan thih awk asi ko,” tiah na rak ka ti.

Kan biaruah bantuk te’in thih hi na rak duh ve lo. Na’in ram ca’ah cun thih cu poi ah na rak chiah lo bantuk in a tu ah pasal na biabantuk in tuahsernak in na langhter.

Ram ca’ah nan nun na thap i na nun na pek taktak. Mah ca ka tial hi minung an si ko nain minung lungthin a keng lomi nih na nunnak an lak zan asi. Naruak na dawtmi na thaisung le na hrin tefa hna le na hawikawm dawt hna nih kan nin hmu kho lo. Na ral pawl nih a nin lak.

Hmanhseh, kan thinlung ah na um. Kan nin philh lo. Na ruak laknak ding khua a lam kip in khan ka zuam tual mal ko hih.

Hringtu na nu le na thaisung, hrinhniang hna le na hawikawm dawt hna nih duh dim te’in kan rak in humh hrimhrim lai ti’ah bia kan kamh.

Thinphang hlah. Pathian kan lei ah a tang. Na ral hna kut in kan nin lak than lai. An hringtu sunghno na nu le na thaisung, hrinhniang hna le na hawikom hna nih duh dim te’in pa ral tha na ruak cu kan nin thlah ko lai.

Pasal, miral tha, zaangkam lo, VanVan Philh na um lai lo. Nathawng nih vawlei kili tiang a hnih.Na tantak mi na tefa le na rammi nih na thisen man an rak teh te lai. Credit-Chary Tha Tin Kulh 7 April 2021

Be the first to comment

Leave a Reply

Your email address will not be published.


*