USA laipa mipem chung in mingei mirum ah ruah mipa cu Hakha dawrthar sang arak ummi Stanly Sui Sang asi lai tiah kan ruah cio

Khrihfa le Rumnak: Kan biakmi Pathian cu zeizong vialte a ngeitu, atuah khotu asi ko ahcun ,ziah afa le kan nih hi ,kan si a fah , kan rum ve ko lo. Mit in hmuh khawh lo mi rumnak silo in, kut in tongh khawh mi, mit in hmuh khawhmi ,rumnak  vawlei chawva kong kan ni ruah hna lai.

Rum ciocio hmanh ah ,thil hman le thil tha tuah ruang ah, hoi nak fim deuh ruang ah ,rum a tha, cu nakcun a tha deuh rihmi rumnak cu Pathain he i hoikomh thiam ruang ah ,rum hi atha bik khun ko.

Cu lio ahcun, a hrawkhrawl ,thlachiat a ruah lo,a hak a kauhtuk ruang ah le a lih tuk ruang ah ,ning can lo in a rum mi zong an rak um thiamthiam ve hoi ko, can sau a hmun lai lo.

Khrihfa kan rum khawh lo nak a ruang bik cu, Satan zong nih ,thlawchuah a kan pe duh lo, Pathain zong nih thlawchuah a kan pe lo. Cutik ah akarlak ah kan vaivuam. Bible nih hmuhlei  nakin ,peklei ah thlawchuah a tam deuh ati. Missionary ca le miher bomhnak cu chim lo, cheuhra cheu khat ke khriahfabuu thawh bur hmanh ,pek asiang lomi khraihfa cu , zei tin he kan rum khawh khe rua hnga.

USA ah nangmah le keimah bantuk in , mipem misifak , lo thlopa fa hi ,zeitin dah vawlei cung mirum ,minthang asi khawh na ruat bal maw.Lo thlau pa Colgate fapa William mirum pa zong hi , UK in NY an rak pem lio ah ,misifak te an rak si ve. Kum 19 asi ah caphiat arak ser cang natein ,khua awng arak pemh lo, arak sung dih. A Khrihfa hoikom hna nih Pathain bia, Bible ca chung bia in thazang an rak pek .

A khrihfa hoikom hna nih thazang le forhfial nak ,an pek mi cu, mitha si i zuam, na thin lung le Pathain ta kha a mah Pathian pe an ti.Cun, voi khat cu ,”Pathain sin ah  Jacob nih biakamhnak atuah mi kong kha Genesis 28:20 -21 ah William nih avan rel bak khan ,thazang tampi a van la colh.

Cun Jakob nih Bawipa Pathian sinah cun chiatser in biakamnak a tuah i, “Atu ka khualtlawnnak ah hin na ka umpi i na ka huhphenh i rawl le hnipuan na ka pek i 21 ka pa inn ah him tein ka kir òhan ahcun nangmah cu ka Pathian na si lai. 22 Philh lonak lung ah ka phunmi lung hi na inn a si lai i na ka pekmi thil vialte cheu hra ah cheu khat kan pek lai, a ti.

William zong ,Jacob nih Pathain sin ah thlacam nak he biakam atuah mi kha aa cawn i a mahbantuk cun Pathain sin ah a khuk aa bil i, atuah ve.William nih Pathain sin ah cheuhra cheukhat lawng si lo in, 20% cun 30 % a pek. Pathian nih thlawchuah a van pek ciammam i, vawlei cung minthang bik William Colgate Company ngeitu ah a cang. Pathian nih a thlawchuah cu hman cawk lo in a pek.
    
USA laipa ,mipem chung in ,mingei mirum ah ruah mipa cu Hakha dawrthar sang arak ummi Stanly Sui Sang asi lai tiah kan ruah cio. Cupa nih a chim mi cu, Pathain he pek kan ni zuam i ,a ka cheu deuh Pathain cu tluk awk atha lo a ti. Ka pek deuh deuh a ka pek deuh chinchin ve ati.Bible ah aa tial mi cu, Cucaah a pennak le a dinnak kha kawl hmasa u law, hi thil dang vialte zong hi pek dih nan si ko lai.Mathai 6:33 a kan ti.

Ca reltu hoikom vialte , khrihfa hoikom ngeih hi arak thatuk i, Pathain he i hoikomh hi atha chin chin. Nan zapi te Pathain nih a vanthlawchuah a lei thlawchuah in pe cio ko hna seh. Kumthar kan phan cang hna lai .Pathain he biakamnak tuah philh hna hlah u sih.

Kum hlun chung i ,lam hlat pi ah khua asa mi hna zong,kumthar ah cun ;zungzal nunak an petu,an dawtu kan Pathain ,damnak, himnak, hnangam bak,fimnak le rumnak thlawchuah an pe kho tu Pathain sin ah khua rak sa ve cang.Amen.Credit-Henry Henry

Be the first to comment

Leave a Reply

Your email address will not be published.


*