US um mi kan laimi hna sinah bawmhhalnak

Atu cu phaisa kong asi lai lo. Phaisa nakin a biapi deuh mi fimnak le thilti khawhnak kong.Kum 70 chung kan in cang mi ralkap uknak thalo cu a thi kho lo i nihin ni atu tiang te hi kan tuar zungzal ko. Atu hrimhrim zong ah hin ui le ar le saram bang an kan thahcuahmah ko. an duhpaoh in an kan velh an kan tuk an kan thah cu vawlei pumpi hngalh asi ko nain kawlram ralkap cu saram nakin an sual deuh lawng hmanh si loin an zertuk fawn caah atu zong hi rampi phaisa kha anmah pumpak himnak ca ah 2 million cu hman an timh hoi cang.

Chim duhmi taktak cu Atu zong ah anmah pumpak luatnak caah 2 million dih in lobbyist an i hlan i US le vawlei cung mi vialte hmai ah an sualnak hi thuh i thiamco an i thim thiamthiam ti cu nan theih dih ko lai ka zumh.Cucaah atu i an tih bik mi cu US nih thil pakhat khat a tuah sual lai ti hi ralkap nih a rak tih ziar ko ti cu atu i a thil tuah hin a fiang. Amah an hlan mi lobbyist hrimhrim nih China kaltak in nanmah nitlak lei he naihniam tein um ka duh tiah a chim,

Cucaah cun US le vawlei pi hmai ah zeihmanh ka sual lo ti chim a tim cang i hi tluk i a sual mi nifate sualnak ngeilo a ram mi a that zungzal ko mi asi cu kanmah mithmuh asi ko ca ah US i a um mi kan mifim vialte hna fakpi in rak kan tanpi hram u law a lam a um lo zong ah duhlonak langternak ah an sual lio video maw an thah mi hna mithi kong maw asi lo e an policy a thatlo ning tiin maw? Lam kan kawlpiak u law kan zuampiak hram u law tiah zsngfah kan nawl ko hna nan theih cia asi ko nain ka lungretheih tuk ve caah keimah hnangam nak men tal ah ti in hi ca hi ka rak tial ve. Lunglawmhnak he.
By-Daniel Cung

Be the first to comment

Leave a Reply

Your email address will not be published.


*