US Thimnak: Aathuimi pine (7) ah aho nih dah teinak a hmuh? Biden nih maw? Trump nih dah?

US Thimnak: Aathuimi pine (7) ah aho nih dah teinak a hmuh? Biden nih maw? Trump nih dah?December (14) ah electoral college vialte nih mee an thlakmi cu state kip in an hun chuahpi cio i Biden cu teinak an pek. Asinain aathuimi pine (7)–Michigan, Pennsylvania, Georgia, Arizona, Wisconsin, Nevada le New Mexico–nih cun mee phun hnih in an thlak:Pakhatnak: Phungzulh in thlakmi mee (Procedural votes) Mee thlak ni a phak cang caah thlak lo awk a tha ti lo caah aa thuimi pine (7) i president thimtu (electors) hna nih cun phung zulh in mee (procedural vote) cu an thlak cio. Hi phung zulh in thlakmi mee ah cun Biden nih EV (306) in teinak a hmuh. Hihi Democrat lei media pawl nih lunghmui ngai in an aupimi cu a si.

Pahnihnak: Thil sining cung aa hngatmi mee (Conditional Votes) Aathuimipine (7) ah Democrat lei president thimtu (electors) hna nih Joe Biden kha teinak an pek lio ah Republican (GOP) lei president thimtu hna nih cun Trump le Mike Pence tu kha teitu an si kho men ti in conditional vote an thlak ve. Zeicahtiah tazacuaimi aa liim rih lo, bia an ceih cuahmah lio lawng a si rih ti a si.
Cucaah atu tiang aho dah president a si te lai ti hi a fiang rih lo. Michigan ah mee (16), Pennsylvania ah mee (20), Georgia ah mee (16), Arizona ah mee (11), Wisconsin ah mee (10), Nevada ah mee (6), New Mexico ah mee (5) ti in an zapi fonh ah mee (84) an um. Hi mee (84) hi Biden nih ningcang tein a hmuhmi mee (222) ah an fonh i mee (306) an hmuhter i teitu a si tiah Democrat (liberal) lei media hna nih cun thawng an thanh.

Sihmanhsehlaw hi aa thuimi pine (7) ah Trump nih teinak a hmuh ahcun a hmuh cangmi mee (232) ah mee (84) aa fonh lai i mee (316) he teinak a hmuh ko lai. Biden tu cu mee (222) lawng a hmuh than lai i president a si kho lai lo. 1960 thimnak ah Hawaii pine ramukbawi (governor) nih cun Richard Nixon nih teinak a hmuh tiah thawng a thanh. Sihmanhsehlaw cu pine i Democrat lei president thimtu (electors) hna nih John F. Kennedy nih a tei kho men ti in thil um kal ning ah aa hngatmi (conditional vote) kha an rak thlak. Cuticun Congress ah an bia cu a lan i bia an hun ceih taktak tikah cun Congress nih cun Kennedy kha teinak a pek. Cu bantuk thil cu atu tan zong ah a cang than kho men tiah Republican mi tampi nih cun an i ruahchan.

Hi bia hi Congress ah lanhpi ding in Republican lei cu an i khawmsuat cuahmah lio a si. Atu tiang ah hi bia a lanhpitu ding an min kan theih khawhmi hna cu Rep. Mo Brooks (R-Ala), Rep. Taylor Greene (R-Ala), Rep. Barry Moore (R-Ala) le Sen. Ran Paul (R-Ky) an si. Congress nih hmai kum January 6 ah hi electoral vote pawl nih mee an thlakmi cu fehternak a tuah lai. President tu cu January 20 ah fehter a si te lai. Cucaah 2021 January 6 ah zeidah a cang te lai ti le January 20 ah zeidah a cang te ti cu lungsau te in hngak cio ko hna u si. Credit: Rev. Biak Lian Vel

Be the first to comment

Leave a Reply

Your email address will not be published.


*