US ramchung siseh, ramdang siseh kum 4 chung a phih cangmi cu President thar Biden nih tuchun ah President nawlngeihnak executive nawl hmang in a hrawh dih than.

President hlun, Donald Trump nih US mipi ngunkhuai pekmi in Obama Federal cozah nih nau thah, nau hrawh a bawmhmi vialte cu a rak phih piak hna. US ramchung siseh, ramdang siseh kum 4 chung a phih cangmi cu President thar Biden nih tuchun ah President nawlngeihnak executive nawl hmang in a hrawh dih than.

Cucaah tax kan pekmi in democrats Biden cozah nih nau thah nau hrawhnak zongah an hman lai tinak a si. Vote a thlatu pawl an ichir ngai cang lai. Obama chan lio ah Federal cozah nih Planned Parenthood timi bu cu nau thah le nau hrawhnak caah mipi pekmi ngunkhuai hmang in an rak bawmh hna ti a si.Salai Lairamthang

Adang relchap:Miphun Damnak: 28 Kan thih ahcun zeitindah miphun damnak kong kan ruah khawh lai? Nun le dam a biapi tuk. Covid-19 pulrai nih kan pumsa dam lonak, thihnak tiang in a hnursuan tik ah mi vialte nih kan ttih tuk hringhran. Ttih zong a phu hrim ko. Ramkip nih khamnak sii an hmuh khawh naklai a lamkip in an tuaktan. Kawlram hmanh nizan Jan. 27, 2021 ni ah India ser khamnak sii (Covishield vaccine) cu ngandamnak lei rianttuan tu vialte an chunh dih cang hna.

India ah nuai 30 order a tuah chap cang ti a si i mizapi caah February 5, 2021 ri in khamnak sii cu chunh hram an thawk lai. Kan i ruahnak nakin rianrang deuh in Kawlram zong ah khamnak sii a phan kho i India ram (Covishield vaccine khamnak sii nuai khat le a cheu a kan hluut) le kan cozah le a kan thlopbultu ngandamnak lei rianttuannak cungah kan i lawm taktak. Kan pum a dam ding hi a biapi tukmi a si. Pathian sinah zaangfahnak nawl in thla kan cammi, khamnak sii kan pe ko kan timi cu khuaruahhar in pek kan si cang. Kan i lawm taktak.

Hakha khua chungah a um bal lomi, Sports and Science College hoi hna Haithlan ah kan cozah nih a kan tuah piak. Kan mino hna tennis tuk an thiamnak ding caah Mandalay tiang ah thlah in sianginn kaiter an si. Pumsa (physical fitness) lei tthawnnak le dawhnak tling kan ngeih khawhnak ding zong kha kan Chinland chung zongah pumpak nih siseh, cozah nih siseh an kan tuah piak i lawmhnak a ngan ko.

Hmailei ahcun golf tuk zong kan mino hna nih thiam ngai in lente an i celh kho ve te ko lai. Bawi le mirum ta lawng ah kan rak ruahmi golf tuk thiamnak kha mizapi caah a si kho ve te ko lai. Zumba timi lamnak zong Hakha ah a um kho i hi zong hi a ttha ngaingai mi a si. Ningcang tein lam thiamnak ahcun pumrua zong aa dawh, thinlung retheihnak (stress) zong tthumh khawh a si. Biaknak lei hlim-luan, ttul tuk lawpaw pei kan ttih ko cu! Zingka tuante in lam a lengmi, pumleknak a tuahmi, kan khua chung ah an tam chin lengmang i hihi damnak lei caah ruahchannak nganpi a kan petu a si fawn.

A tha a thu lomi kan si i a zatawk in kan thlanti kan chuahter khawh peng ahcun kan ngan a dam ning a ttha ngaingai ko lai. Nikhat hnu nikhat in kan muisam zong aa dawh deuh lai, kan pumrua zong a ttha deuhdeuh fawn ko lai. Kan ngaknu hna hi an tungsan ah a tlawmbik pe 5 le lehmah 4 an si kho lai i kan tlangval hna cu pe 5 le lehmah 8 an si kho lai. Thau kha mirum le bawi muisam ah kan ruah i kan uar tawnmi kha kan uar lo chin lengmang khawh ve lai. Pumsa a dam ahcun lungsi hnangam te in (confidence) kan um kho fawn lai.Catialtu: Lal Pek Lian

Be the first to comment

Leave a Reply

Your email address will not be published.


*