US ram thimnak thil sining le dirhmun

Tutan US ram thimnak nih a langhter mi cu politics hi khuaruahhar taktak a rak si nak hi a si. US ram a daw taktak mi President Donald Trump cu a tu bantuk in a sung ding dirhmun ah a van um tik ah hin, mitampi politician zong khuaruahhar bak in a chiah ko hna. Mitampi nih mahtluk in President Donald Trump a sunghnak an ruah tik ah , mino tamtuk nih John Biden hi vote an pek lai tiah ruah mi a si.

Mino nih John Biden vote an peknak a ruang pa hnih cu ;
1. George Floyd police nih an thah nak ruang ah khan, Republicans Party hi miphun thleidennak ( Racism) an ngei tuk tiah an ruah hna caah, a tubantuk in mino thinlung a rak zor tuk nak nih sungh nak lei  a panhpi nak hi a si tiah an ruah mi a si.

2. Coronavirus ( COVID-19) ruangah minung tamtuk an thihnak nih hin, US ram mipi thinlung a zawtter tuk cang hna caah, President Donald Trump cungah zumhnak tam an ngei kho ti lo, tihi mitampi nih an ruahmi le an tuak mi a hung si. President Donald Trump nih hin US ram cu a dawt taktak ti cu hmuhkhawh a si. China, Russia hna kuttang ah kan um sual lai, tihi President Donald Trump nih cun thinlung fak tuk in a ruahmi a si.

Biatlang kawmnak; President Donald Trump hi sung thai sual seh law, US rampi hi a rawk sual hnga maw, tihi ruah ding a um ngai ko. Sihmanhsehlaw, White House ah a tthumi US ram caah a biapituk mi hna, senate projections thimnak hi a si . White House ah a tthumi senators hna an dihlak hi minung 100 an si. A tutiang senate projections thimnak kan zoh tik ah , Democratic 47 , Republicans 48 an si. A tangmi thim ding minung 5 ah hin Republicans party hna nih tam deuh an ngah tthan a si ah cun, Republicans party caah hin ruahchannak tampi US ram hruainak ah hin a um ding a si. US ram cu Pathian nih a dawtmi ram a si caah a philh lai lo.Credit: Salai Van Duh Lian

Be the first to comment

Leave a Reply

Your email address will not be published.


*