US ralkap (Navy) nih rilicung tilawng pakhat cung i ningcanglo in phawrhmi hriam meithal tampi an tlaih.

US ralkap (Navy) nih rilicung tilawng pakhat cung i ningcanglo in phawrhmi hriam meithal tampi an tlaih. Tuluk le Russia sermi lawngte. A za tein zun 3000 deng asi. US nih a hmang duh hlei lai lo. Kawlram hriamtlai pawl caah hal ding an si .

An tlaihmi hriam hna cu AK47 zu 1,500 bak, Bom kahnak RPG launcher zun 200, le 21 .50 caliber machine guns hna an si tiah US Navy website ah an tial. Arabian rili cung ah tihin hriamnam US cozah nin a tlaihmi hi a vui 3nak asi cang.

Tilawng mawngtu hna an hal tik ah, kan thei lo, lawngcung kan rak kai i, tihin an rak um kan hmuh. A kong lam kan thei lo tiah an i pheh rih.Credit-Salai Biak

Hakha GTI Caankarlak Uknak lei Rianttuantu Council Thar an Dirh.Ralkap uknak doh caan chung Hakha GTI sianginn uknak lei kong a tawlreltu ding Council thar cu May 9 ah an dirh, tiah thawng kan theih.Hakha GTI uknak lei Council thar nih aa tinhmi cu:

(1) Federal Democracy fimcawnnak system ser ding.(2) University le College hna nih mahte tawlrelnak nawl ngeih ding.(3) University le College hna nih mahte uknak/i hruainak nawl ngeih ding timi hna hi an si.

Caankarlak Hakha GTI uknak lei Council chungtel ah Students Union palai hna, cachimtu sayate palai hna, cozah zung lei palai hna le GTI siangngakchia hlun palai hna an i tel, tiah cathanh ah an langhter.
The Chin Journal May 10, Hakha

Be the first to comment

Leave a Reply

Your email address will not be published.


*