US President I thim Ning.Caan karlak rel ding ah

US president thim ning hi an i thim cu kan lungah a lut cio ko hna nain an i thim ning hi zapi nih hngalh ahar tuk caah chimfian a har ngai. Tlawmpal in vote an rel kar ah vun thai ta tuah u sih. Ka fian ning tawk si lai. Ka palhmi um ahcun comment ah tial khawh si. US president aa cuh kho ding ahcun US ah a chuakmi asi lai. Kum 35 atling lai i US ah kum 14 a um cangmi asi lai ti khi si phawt ko.

An i thim ning hi phun 4 ah vun then tuah u sih. Primary in chim ahcun D lei le R lei nih hin an state cio ah hruaitu an ngei dih cio i US president candidate si kho ding in anmah le state level ah thimnak ah teinak ahmuh dih hnu lawngah candidate tlin khawh a si.Candidate tampi nih primary level ah delegate tam deuah an ngeih khawh tawn lo caah president candidate an si khawh tawn lonak a si. mah hi anmah party chung ah i cuh nak si.

National Convention: Party pahinh hna nih anmah le party state thimnak ah teinak ahmumi veve kha a dang tein convention an tuah i teinak a hmumi thanhnak le nemhngehnak an tuahmi khi a si. Kan vun fian nak hnga D lei ah hin US president candidate si aa timmi 30 a um mi hna lak ah Biden hi an tei lo caah Biden cu candidate a si nak a si. Biden nih state level ah arak teimi Kamala cu VP ah avun thim than ko hih. President ah atlingmi poah nih VP ah an thimmi hna hi VP caah rinh colh an si ko.

General Election: US chung ah state 50 chung in vote a thla khomi hna nih president an thim tawn hna. Direct in thim si loin MP kan thimmi hna nih an hei thim chin phun khin a si. Anmah le party minug kha an thim tawn hna. Electoral vote kan ti lengmang mi khi. President thim khotu ding 538 an thim hmasa tawn hna. State nih milu an ngeih tlawm le tam ning in electoral vote hi an ngeih tawn. Mah kong hi kum 10 dan ah zohthan khawh a si.

Electoral College Vote: Mah vote thla khotu ding hi 538 an um. Anmah lak i 435 hi congress a si loah house of representatives an si i senators 100 le Washington DC in electorals 3 he an dihlak ah 538 an si. Mah hi electoral colleges 538 chung ah 270 a hmumi poah nih US president cu tuan ding a si. A tu i ca ka tial tiang ahhin Trump nih 213 a hmuh i Biden nih 238 an hmuh. State pa 6 a tang rih. A tangmi state ahhin Trump nih vote in atei ahcun electoral vote ummi hi aa lak viar lai caah teinak ahmuh lai tiah kan zumh rihnak a si.

Swing state timi hna hi an i tluk tuknak hmun asi i a teitu nih winer take all a si caah electoral votes cu aa lak dih tawn. Hmun tihnung ngai a si. Battle ground states an ti tawnmi cu a si. A ho party an bawi lai theih cia lonak hmun khi. Popular vote pumpak nih thlakmi ahhin tampi in tei ko zawng ah sungh khawh thiam a si. Electoral vote ahhin teitu si hrimhrim a herh. 2016 lio zawngah khan Hilary nih popular votes ahcun tamtuk in a tei ko. Electoral vote ah 270 hmu loin 227 lawng ahmuh caah a sung ko khah.

Congress biapitnak: Mah hi nihin thimnak zawng ah house le senate thimnak aum ve thiamthiam mi hi a si. Party pahnih an teinak hmun cio aa khat lo ko hih. House of representative hna an term hi kum hnih lawng asi caah president thimnak um hlan ah midterm election an tuah tawnmi khi a si. Sihmanhsehlaw, senators hna an term cu kum 6 a si. Tukum hi electoral vote petu hna thim kum a si caah an vote rel zong hi arau taktak nak si. president vote lawng rel a si lo caah a si. US thim ning hi presidential election phung a si.

Senate numbers hna hi hmun thum ah then an si than i kumhnih dan ah an lak i micehu cu an term a dih tawn. Cucacah president thim kum phakhlan ah midterm election a um tawnnak hi a si. Tu lio ahhin R lei hi senate ah an tam deuh i D lei hi house lei ah an tam deuh ve i nawl an ngeih deuh ve lai. Atu thimnak ah hin president si kho ding in vote 270 hmuh aherhmi hi Trump le Biden nih hin hmu lo veve hna sehlaw, state 50 chung in house of representative number pakhat cio an thim hna lai i anmah nihcun president an thim lai. State 50 chungin house ah teinak tamdeuh ahmumi party nih president an tuan lai tinak si ko cuh. Vice president tucu senate nih an thim ve lai.

Timnak ni hi Novenber ni 1 a vun changtu cacawn nihnih ni ah a si lai a ti caah Novenber ni 1 hi cacawn nihnih ni a si sual ah cun Novenber ni 8 hna ah i thim a herh lai tinak si. Khah mah vial hi vote hngah pah in sirih seh law. Thin a phang pah le, Trump nih tei hram ko seh.Credit-Dr.Tuan Peng Thang

Be the first to comment

Leave a Reply

Your email address will not be published.


*