US nih Atu Kum ah Ralzam 62,500 Lak ding in Timhtuah

US nih 2021 chung ah vawleicung ralzam 62,500 kan lak lai, tiah President Joe Biden nih ralzam laknak kong cathanh ah a langhter.

President hlun Donald Trump chan ah ralzam 15,000 tiang lawng lak ding in a rak tthumh i, cucu American lungput a si lo tiah Biden nih a mawhchiat.

2021 ah ralzam 62,500 lak khawh ding in timhtuah a si i, aralaimi kum ah ralzam 125,000 tiang lak khawh ding in President Biden cozah nih timhtuahnak a ngei.The Chin Journal May 4, Yangon (White House)

Zum Law Damnak Na Hmuh Lai .Ralbawi Naaman nih khan a ram mi kha a uk khawh hna i a hruai khawh ko hna. Uktu ralbawi a si caah amah cang cun i lunghmuih ngai le i lungsi ngaiin a um men ko lai. Sihmanhsehlaw ahohmanh nih an hngalh lomi le minung nih damh khawh lomi thinghmui zawtnak țihnung a rak ngei diam. Ka minung hawi nih an ka hngalh sual lai tiah a thlite in a thuh pengmi zawtnak ruangah lungrethei in a um. Harsatnak fakpi a tuar i um khua nuam loin a um ve țhiamțhiam.

Thazaang la ți hna u sih ti ka duhmi cu minung hi ahohmanh a tlingmi kan um hna lo. Pakhatkhat chambaunak le dam lonak a ngeimi lawngte kan si hna. Asinain Pathian bia kha kan zumh i a bia bangin kan tuah ahcun damnak kan hmu.

Cucaah Naaman cu Pathian mi bia bangkhan a vung kal i Jordan tiva chungah voi sarih a vung i hnim i cun a titsa cu a dam i ngakchia note titsa bantuk a si i amah cu a thiang. (2Siangpahrang 5:14)Bawipa nih thluachuahnak kan pekpiak ko seh. By-Salai K. Biak Lian Thawng

Be the first to comment

Leave a Reply

Your email address will not be published.


*