US election ah a donghnak zoh ding Jan 6. ah zeidah an tuah lai timi umharphen ah ka von thai.

Happy New Year  to All My Facebook friends!US election ah a donghnak zoh ding Jan 6. ah zeidah an tuah lai timi umharphen ah ka von thai. Jan 6 ahhin House le Senate fonh/joint meeting an tuah lai i, chair/Presiding ah Vice President Mike Pence a si te lai.

US Congress, House le Senate fonh hi chungtel 535 an um. Senate ah 100 an um i, House of representative ahhin 435 an um.  House hi Democratic nih an uk I, Senate hi Republican nih an uk lio a si.

Jan 6 ah Joint meeting hi US phunghrampi ning in tuah zungzalmi a si i, mah meeting ahhin State cio ah electoral colleges certified vote kha, aww-ring in an rel tthan i, teitu/Winner kha, chair tlaitu Vice President nih declared a tuah  ttheu.

2000 lio ahkhan Vice President Al Gore nih a zuamcawhtu President Bush cu, Teitu a si tiah a rak thanh bantuk in, 2021 ahhin Vice President Mike Pence nih a zuamcawhtu Joe leHarris cu, Teitu an si tiah thanh ding dirhmun a phan ve.

Jan 6 ahhin President Trump  caah caan ttha a um kho lai maw? Jan 6, Joint meeting tik ahhin congressmen lak ahhin Election result, a cohlang lotu/ objection tuahtu an um ahcun phung ningin chim khawhnak an ngei. Amah belte, US phunghrampi ningin, House he, Senate he minthut/ signature he Election result  zoh tthan ding an chuahpi khawh a hau i, an chuahpi khawh ahcun, House le Senate an itthen tthan lai i, a dangte veve in an ceih tthan lai.

Jan 6, Joint meeting tik ahhin congressmen lak ahhin election result objection a tuahtu an um te lai. Nain  ceihpiak awk tlak in House he, Senate he signature/ minthut an chuahpi kho te lai maw? timi kha big question a si. House cu Democratic ukmi a si tikah, chim awk a um lo. Anmah Republican ukmi Senate ahhin, Senate leader Mitch McConnell nih reject tuah lo dingin a Caucus pawl a chimh lengmang cang hna tikah, objection tuahtu an um hmanh ah ceih piak awktlak tiang cu phan khawh dawh an si lo. Mahhi tulio US election an boruak a si.Credit-Zasang Cinzah

Be the first to comment

Leave a Reply

Your email address will not be published.


*