US cozah kum relning ah thaizing 30th September hi FY 2020 a dongh ni asi cang.br FY 2021 chung tuanding vialte a thar in thawk tthan ding asi lai.

FY 2021 chung ah US nih ralzam (refugees) milu zeizat dah cohlan ding timi zong President nih nawl a chuah than cang lai. Cucu PD (Presidential Determination) tiah an ti.

US nih buakthlak in kumkhat chung ah ralzam cohlan ding tiah rii an khiah theu mi hi 95,000 hrong an si tawn ti asi. FY 2016 hnu bel cun President nih ralzam cohlan ding timi hi a thumh thluahmah i, 2019 lebang ah cun 18,000 long asi. Cucu a tlombik mi record zong asi an ti.

Hi PD nih ralzam tlawm deuh cohlan ding timi nawl a chuah fatin, ralzam a rak phanmi milu zong an tlom deuh ve. Cutikah biaknak ruang ah ralzam dirhmun a phanmi hna nih an tuar khun ti asi.

Tahchunnak ah FY 2016 ah Iraqi Khrihfa ralzam pawl cu 1524 cohlan an rak si nain FY 2019 ah cun 86 long an cohlang hna. 94% bak an thumh tinak asi.

Burma muslim ralzam pawl zong FY 2016 ah 3145 an rak cohlang hna i, FY 2019 ah cun 932 long an cohlang hna ti asi. 70% an thumh ve tinak asi.

Tulio hi vawleicung ah ralzam 26 millions an um ti asi. Laimi, ralzam dirhmun in US a rak phan ve mi nih cun kan minung hawi hremnak phunphun ruang ah ralzam dirhmun a phanmi vialte hna sining hi ruahpiak thiam ngai ding kan si ve. PD zong nih tamdeuh cohlan ding tiah nawl chuah hram ko seh!

Cun, tuzan hi a voikhatnak Presidential debate Pu Donald Trump vs Pu Joe Biden an i phomh cang lai. Moderator a tuan ding hi Fox in Chris Wallace asi. Fox hi Trump adirh kamh ngaimi an si nain Chris he hin an i ngiar pah theu caah tuzan hi thin an turter pah!

Nizan tih nih ah khan White House ah President pawl an tuan kumkhatnak Federal income tax an rak pekmi record an langhter i, Trump hi a tlombik a petu a si ti si. 750$ long asi i, cucu zaran midle class pawl nih an pekmi zat hmanh asi lo an ti. Trump bel nih cun lih asi ati men!

Tuzan bia an hal ding issues pawl hi tu lio COVID-19 kong, miphun thleidannak le adangdang hna an si i hna. Biden nih kan chimmi bia a hman le hmanlo check piak ding a nawl chih hna i, lih le hrokhrol in bia an chim sual ahcun loh an si te ko lai.
I ngaih um ko.Credit-Kham Pi

Be the first to comment

Leave a Reply

Your email address will not be published.


*