US caah thlacam kan herh!Minung sinak in lung adong cang. Asinain Bawipa aa tel ahcun asi kho. Cucaah Bawipa sawm hna usih!

Democratic nih ram an hruai ahcun American sualnak chungah kan pil ko lai. Tukum teinak an hmuh ahcun hmailei zongah kum tampi an peh thluahmah rih lai. Pandemic hi 2021-2022 tiang an doh lai caah, mipi hi dollars in kan thinlung an kan lak thluahmah lai. Sifakmi kan tam caah Bawipa nawlbia nakin chawva kan ithim deuh lai.

Siiṭhalo le ralhrang tampi an rak lut lai i, hmailei kan fale chan ahcun Abortion (nauthah) hi lentecelhnak ah an hman ve lai. Same-sex marriage hi “chantiluan dawikhawh” ah an iruah te lai. An taksa pum in phaisa a kawlmi an tampi te lai. Biakinn kal hi caan a paam an ti te lai. Bible hi capo ah an seih te lai. Mahtein lungretheih rungah le duhfah rungah nunnak aalami an tampi te lai.

Hihi midang innchungkhar ah atlung cuahmahmi kan hmuh ko lawng siloin kanmah hrimhrim cu ram ah kan um ko nain zeiah kan rel lo. Asinain na dawt tukmi na fanu/fapa cungah tlung ve sual sehlaw nulepa kan inuam kho bak lai lo. Chawva, fimnak le inuamhnak cu kan duh dih ko. Asinain Bawipa bia kaltak le a duhnak hlawt in chawva, fimnak le nuamhnak kan dawi cu kan Thlarau le taksa caah ṭihnung tukmi asi. Midang nihcun ithim ko hna seh, sihmanhsehlaw Khrih athei cangmi nihcun Bawipa tu kan ithim deuh awk asi.

Atu chinmi US kan fale public high school an dihmi hna le University a kaimi hna tampi hi an professor te nih an thluak tampi an ṭawl hna. Media kip an hmuhmi le an theihmi nih an thluak tampi a ṭawl hna. Bible an rel lo tikah cuaitlai awk an ngei lo. Cucaah nulepa nih innchungkhar ah Bible rel le thlacam hi biatak tein kan tuah aherh!

Ramdang kan phak hi kan fale caah asi kan ti nain thaizing kiptuh vawlei ah akir dingmi nih caan a phak taktak tik ahcun kanmah ca lawngte kan kawlṭhiam ko. Biaknak dang abiami thinlung, umtuning le nuncan ziaza hi kan hrial awk asi. Pathian muisam in sermi kan si dih ko hna nain kan sinak (identity) kan idang.

2021 January 20 (inauguration) hlan tiang cu Bawipa sin ah lungdong loin thlacam kan herh! Zumhnak he thlacamnak nih tlang aṭhial khawh! Atuhi caan kan ngei. Kan sualnak ingaichih in lungdong loin tein thlacam usih!

Biakhiahnak angeitu cu Bawipa asi. Sodom le Gomorrah hrawh lai ah Abraham kha Bawipa nih bia aruah! Hrawh lo a duh caah zumtu le thlacamtu a kawl. Nineveh khuapi zong Jonah hmang in an sualnak an ingaichih i thla an cam caah Bawipa nih a ngaihthiam ko.

Zeizong vialte hi Bawipa tuahmi an si dih. Bawipa pekmi an si. Asinain an kaltak lai law? An kan ngaihthiam lai dah! A zeipaoh hi an kan pekmi cungah cohlaan thiam kan herh. Cucaah Bawipa Biakhiahnak ahhin thlacam in itel hna usih! Na thlacamnak ah ṭhawnnak le teinak a um! keep praying.
Credit-James Vanneilian

Be the first to comment

Leave a Reply

Your email address will not be published.


*