US ah sianginn a kai chung ahhin harsa tein khua ka rak sak i, nikhat ahhin US $ 1 ka rak hman.

Ram 3 ah rammi sinak a ngei i, vawleicung ram tampi nih an tuah khawh lomi, international space station zong ah amah pumpak zuamnak, rocket  in minung a thlah khotu, minung tampi nih Alien a si ko lai, ti tiang in an ruahmi pa kong ka rel. 

South Africa  in Kum 17 a si ah Canada ah a rak ithial i, cun, US ah Economics le physics in BA a dih hnu ah Physics le material sciences a in Ph.D a dih. 

US ah sianginn a kai chung ahhin harsa tein khua ka rak sak i, nikhat ahhin US $ 1 ka rak hman. Man fawi bik, Hot  dog  rumro hi ka rak i cawk, a ti.

Asinain nihin ahcun, a rak izuam nak le harsa buin a sacrificed a tuahnak vialte a miak cu, a liam in a liam cang. Kan hnu zarh ahkhan Vawleicung mirum bik ah a von ichuah.  Cu pa cu, aho paoh nih theihmi, Tesla le Space X company ngeitu Elon Musk a si.  

Elon Musk a von lar taktak. Donald Trump fapa, Jr zong nih Twitter nak in a ttha deuhmi social media na kan ser piak a hau e tiah a ti.  A Twitter ah “Signal” timi app te a ttial i, “cu app, “Signa” stock cu, Van tong in a kai colh. A bia man a ngei ning hi khuaruah har a si. Forbes news nih vawlei cungah “Power a ngei bikmi pa” tiah an thim ve.

Vawlei cung ah mirum, mi lianngan kan timi hna zong hi Mino an si lio ah, pumsa nawmhnak kha hrial in, harsa buin sianginn a kai i, hot dog  luklak a rak irinhmi te kha an si ve ko caah, tulio Chin Mino hna zong hi, an no lio ah pumsa nawmhnak a hrial i, aa zuammi caahcun Vawlei cung mirum bik dirhmun an phan khawh ve ko tiah a kong ka rel ahhin thazaang ka lak ngai.Credit-Zasang Cinzah

Be the first to comment

Leave a Reply

Your email address will not be published.


*