UNHRC nih Israel cawllcanghnak cu War Crime a si le Hlathlainak a tuah lai.

UNHRC nih Israel cawllcanghnak cu War Crime a si le Hlathlainak a tuah lai.Nizan May 27 ah khan UN Human Rights Council nih Israel le Gaza (Hamas) pawl ni 11 chung an i dohnak ah Israel nih Minung Covo a buar le buar lo, War Crime a tuah le tuah lo kong hlathlai dingin kutthlir in biakhiahnak tuah in a pom.

Mah kutthlir biakhiahnak hi ram 24 nih an tuah. Ram 14 cu an i tel duh lo, ram pa 9 nih an dir pi loo. A tel duh lo mi ram ah Israel hawitha India zong a tel ve, biakhiahnak tuah lai ah meting in a chuak.

India UN Palai nih “zei poh hi politik a si caah India nih Israel cungah hawitha kan si nak kan langhter khawhnak pakhat a si” tiah a chim.

Israel nih UNHCR biakhiah nak cu “Hamas pawl thil sual tuah mi thuhpiak nak a si” tiah a duh lo ning a chim. thenews The Chin Post

Kachin ram ah Pitusit tuan dingin ralzaam hmun tiang min cazin an lak cuahmah

Kachin ram Chiphuai pengah Pitusit tuan dingin ralzaamhmun ah a ummi hna tiang chungkhar cazin an lak tiah ralzaamhmun um mi pawl sin in theih a si.

“Nizan thawkin ralzaam pawl umnak hmunkip ah chungkharkhat ah pakhat Pitusit nan tuan lai, cunglei nawlpeknak a si tiin cazin an lak.

BGF minung pawl nih an rak lak mi a si. Min cazin he an lak dih caah kan tuan duh lo zong tuan lo khawh lo phun a si. Zeitindah ka chim lai ka theithiam ti lo” tiah a ti.

Chiphuai ah hin ralzaam umhmun pahnih a um i, ralzaam khua 10 leng an um.

Ralzaam sinak in khua kan sak nak hi kum 10 hrawng kan si cang, cheukhat khua hna cu tlun an i tim cang. A hlan ahcun a tlung than ding pawl lawng Pitusit nan tuan lai an ti nain May 26 ah Pitusit pawl Chiphuai ah an rak ra i chungkhar cazin an lak tiah a ti.

“A hmasa ahcun a tlung than ding pawl nan tuan lai tiah kan theih nain a tu ahcun kan tlun le tlunlo zongah inn chungkhar ah pakhat nan tuan lai an kan ti” tiah a chim.

Kanpaiti, Chiphuai, Pawa hrong hi Kachin Pitusit S’khon Ting Ying pawl umnak hmun a si. S’khon Ting Ying Pitusit hi NDAK in 2008 phunghrampi tang Pitusit ah a let mi an si. Ralhrangbu a doh mi pawl a do tu an si.
KNG The Chin Post

Be the first to comment

Leave a Reply

Your email address will not be published.


*