UNHCR India hi na hngilh maw ti lengmang a hau

A caan ahcun Aipuang an si. Kan ram buainak a chuah hnu, February 3, 2021 in nihin tiang nikhat ah voithum lengmang an kan chonh. An kan call fatin, ziah kan i request mi hna hma nan lak lo ti lengmang an si.

“Atu ahcun remote service in Ralzam register a si ko caah, caan karlak ca a si zong ah Mizoram lei tiang, ramri tiang hi International Protection pek khawh ding in kan zuam piak uh” Mizo kan unau nih venhimnak pek an kan zuam, a si nain Central Cozah nih dawi hna uh a ti lengmang, cu caah UNHCR nih Delhi lawng si loin Mizoram lei tiang register nan kan tuah piak zok a herh” kan ti lengmang.

Atu nai tiang ah cucu ka chim tthan. Ramri ah tlaih mi, kir ter mi an um maw, Minung a zam mi an tam peng rih ko maw ti lengmang an kan hal, information update cu an kan hal peng. Nain ramri tiang International Protection kan hal mi ah bialehnak an kan tuah bal rih lo. Kan ceih, kan i ruah ti vial lengmang a si rih. Namchan in venhimnak a kawl mi kan caah ahcun ai puang an sinak a tampi.Ceedit-Salai Cung Dawt

Adang relthan:Nawl Ngeih Hi A Nuam Bak Rua.MAH khi kum 50 kuakam minung hrawng siseh law ‘’aanaa’’ a ting lai ka zum bak lo. Zeicatiah, kum 2008 phunghram ning bantuk in nawl a ngeitu bik cu a mah a si ko. President U Win Myint cungah a um ko. ASSK cung zongah a um ko. Kum 2008 phunghram cung zongah a um fawn ko. A mah nih siseh a timi paoh a si dih ko lai. Si hlah seh a timi paoh a si fawn lai lo a si ko. A  va nuamh laining mu! A nupi si le a fale si hrimhrim a nuam tuk lai.

Laimi nih ‘’vanchiat lakah vanṭhat’’timi bia kan ngei. MAH caah cun ‘’vanṭhat lakah vanchiat’’ kan ti maw a hauh lai zeidik. Vanṭhat lakah vanchiat tiah, a ra laimi July thla ah kum 65 a tling ding a si ngelcel rua. Kum 65 in cun pensen(pension)laak lo awk a ṭha ti fawn rua lo. Laimi nih ‘’vanchiat aa(ai)phua’’ timi kan ngei rih. Vanchiatnak kan ton tikah a dang vanchiatnak aa chap chih tinak khi a si ko. MAH a van a chiat hnuah vanchiatnak aa phua rua. I phua len rih dawh a si ko.

Cucu, kum 2020 thimnak ah USDP party ek ceh in an sunghmi kha a si. USDP nih a tawk fangin tei ve hna sehlaw, 25% ralkap he zeimawzat cu a saduhthah a tling men ko hnga. Vice President tal a chuak hnga i a va ning deuh tuk hnga. Atu cu USDP nih an deuh cikcek. A chun mang vialte khuasik mangah aa chuah dih ai. Khi tluk i nawl a ngei vemi kanmah te pawl pensen(pension)laak in laak ve ko ding cu a mawh bak ve lo khi a si ko rua. Nawl a ngei bakmi hna nih an nawl ngeihnak a dongh lai ahcun a dikmi le a hmaanmi thil tuah hi a har bak ko rua.

Zeiti awk ṭha, minung a simi paoh nih kan tuhmi kan zun cio te ko lai caah a tuhmi a zun ve a hau ko lai.Credit-Perhkalh Thawng

Be the first to comment

Leave a Reply

Your email address will not be published.


*