Zualko Meithal Hliam In Pastor Cung Lian Thawng A Nunnak Liam

Zualko Meithal Hliam In Pastor Cung Lian Thawng A Nunnak Liam

Central Lairam, Lawngtlai, 2023 Nohawng 13 : East Lairam, Thantlang peng, Vanzangtlang, Tlangpi COTR Churh i Pastor, Pastor Cung Lian Thawng kum 26 cu Nohawng 13 zaanlei suimilaam 2 (Myanmar caan) hrawng ah meithal hliamtuar in a nunnak a liam tiah kan theih.

Khuami pakhat nih ” Pastor Cung Lian Thawng hi COTR Tlangpi Pastor a si i, khan an hawtnak Tlangpi ram Cerhrang Kuam ah meithal in a țaang ah an hliam i, caan zeimaw chung cu a lung a fim ko nain, an tlunpi lio khua phanh hlan ah a kan liam tak” tiah a chim.

Sortu a pa Rev. Za Thu hi a luancia kum 2018 lio ah khan a rak kan liamtak cang tiah a chim chap. Crd.The Lairam Times

Yesagyo Peng Siangsangrun Ah Umhmun Khuarmi SAC Ralkap PDF Nih An Kahdoh Hna, 2 An Thi.Magway ramṭhen, Yesagyo peng siangsangrun ah umhmun khuarmi SAC ralkap hna cu PDF phufonh nih February ni 12, deilei suimilam 2:00AM hrawng ah an kahdoh hna. Cu kahdohnak ah cun SAC ralkap lei a thimi an um tiah theih a si.

Sinmaye(ဆင်မရဲ) khua siangsangrun ah umhmun khuarmi SAC ralkap minung thazaang 70 hrawng cu PDF phufonh nih an kahdoh hna tiah Myingyan Black Tiger phu nih an chim.

“Cu SAC ralkap hna nih cun tualchung mi hna an umnak inn an khanghpiak hna, an thah hna, an thahmi hna chung ah a tam deuh hi NLD party chungtel an si tiah nitin in thawng an kan thanh caah zaanṭim ah kal hnawh in kan ngeihtawk kuanfang i put in kan va kahdoh hna. Mipi zong nih SAC ralkap hi ṭih hna hlah uh, kan hmunhma chung nan um poh ah cun kan nunnak pek tiang in kan in runven hna lai” tiah Myingyan Black Tiger hruaitu Bu Maik Khe nih a chim.

SAC ralkap hna cu Myingyan Black Tiger (MBT) le ṭangṭi tualchung hriamtlai phu 6 fonh nih an kahdoh hna tiah theih a si.Ayeyarwaddy Times