Zualko

Pi Run Par Tum, kum 63, nih Bawi Khrih tang cungah a kan dinhtak. Amah hi Kalay Lai Mino Bu EC upa zong a si i Laimi Thi Pe Bu treasurer zong a simi Saya Cung Lian Thang i hringtu nu a si. 9-mile ah a ummi an si i Calvary Baptist Church member a si. Tu chun Sml. 1:00 ah vui a si lai.Crd-Kalay Lai Mino Bu

”Na tlamtlin tuk ruang ah kaan țhit a si țung lo…”Nai ah kan nu nih, ”Pa Pa, kaa zoh lengmang i ka lungrawk… na ka daw ti ma?” a ka ti. Ka leh colhnak bia cu amah zong nih aa cinken hrimhrim ko lai (amah hal khawh a si ko mu). Ka’n rak țhit lio rengreng ah khan, ”Ka tlamtlin tuk ruang ah a ka țhit” tiah ma na ruah, tiah ka hal i phun dang te khin a mithmai a um.

Ka nolh rih mi cu, ”Keimah zong nih hin, ka tlamtlin ruang le ka zaat tuk ruang ah na ka vaat, ti in kaa ruat bal lo” tiah ka ti. Kaan duh i kaan dawt tuk fawn ruang ah na chambaunak lengluang i ruahchan cia le hngalh cia tein, ka theihthiam, ka ngaihthiam lai, ti mi biakhiahnak le biakamnak he kaan țhit mi na si caah na thinphang hlah, nuam tein um tawn mu…Cun, kei zong na ka vaat ah hin cu bantuk lungput in na ka vaat tiah kaa ruah zungzal ko. Nuam tein um usi muh…ka hei ti i kan lung a dam ngaingai.

Nupi/va a ngei cia kan si ah, ngeih aa tim mi ngaknu le tlangval kan si ah, hi lungput le ruahnak hi thil dang tampi lak ah a herh ngai ve mi pakhat cu a si lai tiah ka ruah. Ka nupi nih hin ka tlamtlin ruang le ka mak ruang ah a ka va lo. Kei zong nih a tlamtlin ruang le a țhat tuk ruang ah ka țhi lo.

Nan i duhnak le nan i dawtnak nih nan chambaunak hna kha lonh (transcend) dih seh law, zeizong te kha rem țhipțhep tein chia dih ko seh!Crd.Hrang Lian Thang