Zoom in English class kan thawk cang lai.

Zoom in English class kan thawk cang lai. Nikhatni, Nihnihni, Nithumni le Nilini zaan 7pm to 9pm tiang cawn a si lai. Basic taktak in thawk asi lai caah Mirangca a thiam bak rih lomi kum 10 cung poah rak cawn khawh a si.

Kai man fee cu thlakhat caah 50,000 kyat a si. Minung 30 lawng cohlan ka timh caah kai man a pe hmasa poah cohlan hmasa asi lai. Kpay in 09771913564 (John Lungthli Tum) ah phaisa kuat hnu ah receipt/voucher le hmatpungtin hmanthlak he kan zung Viber number 09796486552 ah min cazin pek khawh a si.

Ram buai ruang ah sianginn tha tein a kai kho lomi kum 10 cung ngakchia hna caah a thahnem khun lai. Inn ah wifi internet ngeih a hau, Zoom hman thiam a hau lai.

Ramdang in class kai aduhmi zong kai khawh a si. Myanmar ummi na chungkhat pakhat khat kha Kpay ah cawn man na kuatter lai i receipt he Viber ah min cazin na pek ve ko lai, 50,000 asi ve ko.

Nai fiang lomi a um sual ahcun hika phone 09442000351 (or) 09796486552 number ah chawnh khawh lengmang kan si.Crd-Salai Lungthil Tum

Tuhnu kum 5 ah zei dirhmun kan phak hnga?Hmai kum khi MAH nih thimnak a tuah lai, tlam a tlin ahcun USDP nih kum 5 chung an kan uk te lai. Tlam a tlin lo sual ahcun ralkap nih 2008 constitution hrawh in uknak an lak beh te lai.

Nain, thimnak ruang ah Laitlang cu tampi ai thleng lai lo. Khuate 90% cu miphun ralkap uknak tang ah a tlawm bik kum 5 cu a um rih lai. CDF an um chung poah cu ralkap nih khuate an uk khawh nak ding lam a har tuk. Khuate kip ah ralkap sakhan chiah khawh asi lai lo.

Cun,tuhmawng pakhat ah cakei pahnih umti awk a tha lo an ti bang, hriamtlai phu anmah le anmah kar buainak a um pah te lai. Hriamtlai phu tam nak Nagaland le Manipur state, Shan state bantuk kan lawhnak a tam pah te lai. CNA lila khi a singkhaw ngammi an um te lai.

Khuate ah sianginn a kaimi hna cu catang sang deuh university le college kai chap an duh caan ah ralkap cozah sianginn pawl nih an cohlang duh hna lai lo. Cozah sianginn ah a kai lomi hna cu catang ngeilo bantuk an lo te lai. Khuate ah college le university ser awk a tha hoi lai lo i khuate mino zaangfak ngai an si te lai.

Khuate lei cu cozah zung nih lam an remh kho ti lai lo caah umkal a har chin lai. Suimilam 3 kal tawnnak khua kha ni 2, ni 3 hna kal a si cang lai. Lampi ah check tuktak, phaisa hal, tlerh le thil chuh a tam te lai.

Tikah, khuate ah khuasak lungdong in fale cozah sianginn an kai khawh nak hnga tiah ramdang ah cawmtu a ngeimi hna cu khuapi ah an i thial cio te lai. Sifak deuh khuate ah an tang lai. Yangon, Mandalay, Naypyidaw le Maymyo ah Laimi kan i chap ngai te lai tinak a si.

Be the first to comment

Leave a Reply

Your email address will not be published.


*