Zomi, Tidim lei pawl hi Chinmi dang nih cun kan rak tluk hrim2 hna lo a zeilei poah in.

Zomi, Tidim lei pawl hi Chinmi dang nih cun kan rak tluk hrim2 hna lo a zeilei poah in. Hlanlio pi tein bawi riantuan (cozah riansang tlai) an rak tam cang. Ralkap an ttanhnak kong chim ka tim lo. Ralkap nih rian an pekmi hna kong zong ttial ka tim fawn lo. Ralkap an ttanhnak kong zongah ka dirpi fawn hna lo.

Ka chim duhbik mi cu anmah bantuk in kan i zuam ve awk a si, fimcawnnak le felnak le sipuazi lei kongah ka ti duhnak a si. Hakha khuapi ah cozah riansang tlai Zomi chungah mah zatzat an um zong ka thei bel bak lo. Ralkap rian pek ruangah cozah riansang an tlaih a si lo. Anmah hrim2 ah fimcawnnak le cozah rianah hmuhtonnak an rak nei diam cang. Atu CM rian an pekmi zong doctor a ngahmi si i cozah rian ah hmuhtonnak saupi a nei cangmi a si. An rak men hrim2 lo. Anmah lak zongah ralkap a domi an tor ve ko.

Kum 2011 lio ah US kalnak ding ka rak buaipi lio a si i Bank statement hlang ding in hehtiah ka vak i ka kawl. Bank tampi ka kal. Zokhua nu a tuannak bank, CB bank, Yangon Asia bank, private company (ramdang kalnak a bawmmi), le pumpak puaisa ka ton hna.

Mah lio ahcun Australia embassy (tanzung) pawngah Kawl puaisa pa a um i ramdang ah sianginn kai a duhmi caah bank statement ka tawlrel piak hna a ti i ka va leng. A dotthumnak hrawngah a um. Mah Kawl puaisa pa zongnih a ka timi cu Tidim Chin pawl hi mirum an tam a ka ti. Kawl hmanh nih Tidim pawl rumnak cu an rak theih tuk. Chinmi dang rumnak theih awk a um lem lo tikhawh a si.

Bible lei cawnnak in kan zoh rih ahcun Rev. Dr. Simon Pau Khan En (MIT principal hlun) tluk khi Chinmi chungah an um lai lo. Phungchim a thiam, Cachimh zong a thiam fawn, michawnh biak zong a thiam fawn, a uah fawn lo, hnipuan hruk lei ah le a smart peng fawn, a aw a ngan, mirang in ca a tialmi zong an ttha i a theology zong a sang a kau, Bible sianginn a dirh, Khrihfa bu zong a dirh fawn, a hoiher le a umkal zongah a active peng fawn, mi cawnpiak a thiam, mikomh a thiam fawn i a kemh dih ko. Amah tluk khi Kawlram ah an um theng lai lo. PhD a si pinah cathiam hrim2 a rak si. Cachimh ah le zoh lo lawng tein a chim khawh dih. A men hrim2 lo. Biaknak lei a riantuannak zong a sau fawn. Tluk ding hrim a rak si lo.

Lai a timi pawl hi biatak tein ttan kan lak a hau, a lamkip in. Kan i zuam ve a hau. Cozah rian sang2 zong tlaih khawh ve kan i zuam a hau.Van Tum

Be the first to comment

Leave a Reply

Your email address will not be published.


*