Zikhnawh a ei tiah sualphawt in tazacuai a tong liomi Israel Prime Minister hlun, Benjamin Netanyahu nih buan a co tthan

Zikhnawh a ei tiah sualphawt in tazacuai a tong liomi Israel Prime Minister hlun, Benjamin Netanyahu nih buan a co tthan.

Netanyahu hi Israel tuanbia ah Kum saubik Prime Minister a tuanmi a si. A tuan ciami dihlak fawnh ah Kum 15 a tuan bal cang. 2016 thawk in, mirum sin in zikhnawh a einak an theih i, police nih an hlat tikah a ei ko ti a si. Cucaah, 2020 thawk khan criminal case in tazacuai a tong.

Netanyahu hi, Far-right politician tiah ruahmi a si i, Donald Trump he aa tlak ngaimi an si.

Brazil ram zong ah zikhnawh a ei tiah sualphawt a tong balmi, an president hlun Lula nih teinak a co tthan ve.

Tutan Israel le Brazil thimnak result cu, a phun phun in sualphawt a tong cuahmahmi US President hlun, Donald Trump caah thazaang ngaingai a si lai tiah zumh a si.Crd-Zasang Cinzah

Nang Lawng Ka Ngeihmi Na Si Maw Bawipa.Nangmah dah ti lo cu ka ngeihmi dang zeihmanh a um lo, maw Bawipa. (Salm 16:5)

Ka nun nakhnga caah na nunnak na pek, ka sualnak leiba keimah aiawh ah na ka champiak maw ka Bawipa. Ka sual thil rit vialte na ka phurhpiak i ka nunnak ṭha lo le ka sual thurhnawmhnak vialte a ka thianhpiaktu na si ka Bawi Jesuh.

Midinglo ka dinnak na si i miṭhalo ka felnak le mitlinglo a ka tlintertu na si. Na dawtnak velsung in tling tein na ka thuamh i ka nunnak sullam a ka ngeihtertu Bawi na si. Maw ka Bawipa kai lawm tuk. Na min thiang thangṭhat si zungzal ko seh.

A lianngan bikmi cu kan Bawipa Jesuh lawng a si. Leidip lakin a ka cawi, amah sunparnak dingah. Maw Bawipa, vawleicung dihlak ah na sunparnak lang ko seh.

Nangmah dah ti lo cu ka ngeihmi dang zeihmanh a um lo maw Bawipa. Nangmah cu ka Bawipa na si; thil ṭha ka ngeihmi vialte hi nangmah sinin ka hmuhmi an si. ka herhmi vialte cu nangmah nih
na ka pek, ka nunnak cu na kut chungah a um.

Laksawng na ka pekmi cu zeitluk in dah khuaruahhar an si, zeitluk in dah an ṭhat! Bawipa nih a ka hruai caah amah cu ka thangṭhat, zan ah ka lungthin nih ralrinnak a ka pek. Bawipa ka sinah a um cu ka hngalh zungzal, amah cu keimah he naihte ah a um i zeihmanh nih an ka hnin kho lo. Cucaah lawmhnak le thanuamnak in ka khat i him tein ka um zungzal.

Khrih ah hawi dawt hna, “A rian a zahpi lomi, Pathian biatak hmaan tein mi a cawnpiaktu saya bantukin Pathian hnatlaknak kha na hmuh khawh nakhnga fak piin i zuam. (2Timote 2:15)

A reltu Bawipa nih thluachuahnak in pe ko hna seh.Salai K. Biak Lian Thawng

Be the first to comment

Leave a Reply

Your email address will not be published.


*