Ziah UNHCR zung kha khar an timh? (Ruahnak)

Malaysia mi Nur Sajat hi atu cu Aussie lei ah a um ve cang rua , 2018 lio khan Muslim hmun thianghlim(Mecca) ah an chungkhar in an kal lio ah Muslim nuthuam (Hijab) hruk in photo a uploaded i mah cu a viral taktak i a linsa taktak. Anih hi malay ah mingei le mi langsaar taktak a si i a cheu nih muicuang cawng a si an ti i a cheu nih cun entrepreneur (fakthanh lemsoitu) a si an ti ve. Muicawl le fakthanhnak ah ka hmuh lengmang ve ko, *ziah a thawngpang um ti lo hnga ka ti i tu bak a thawngpang ka theih.

Biaknak lei upa pawl nih a tha bik in kan in bawmh lai an ti ko nain kha hnu 2019 in tazacuai le liamkiah dantat a ton lengmang ding a si caah rammi le chungkhar nupa hmaikhah ti loin thailand ah a le. Passport (aa tuahmanh or a bawmtu an um kho ) in a kal i copy kha a phone ah a chiah i cun a kal hnu ah a passport cu an hnonpiak. (Nain a kalmanh cang) .Cun Thai khualipi Bangkok ah ralzaam a sawk i UNHCR card aa tlaih i vaantawng innsangpipi le inthapipi ah a um .

2021 khan Malay palik nih Thai lahwahkah sin thawng an thanh hna i an tlaih nain RM8,000 tluk a simi Thai bahts in a chuakthan . Malay pawl nih an sian lo tuk caah an hlat peng i Thai lahwahkah zong nih zung ah ni 14 dan ah voikhat chuah lengmang ding in an ti a um chung( tu cu a kal cang rua.)

Hi trangender ( nu thilbenh) pa kong hi ka tial zuam lo nain kha lio 2018 ah thawngpang a laar bak mi le minthang bak mi a si ve caah Malay pawl i thinlung ti khawh si caah ka tial ve bia. Thai i tuah mi trangender Miss zuamnak zong ah pakhatnak a rak hmu bal.

Tulio UNHCR zung kharding timi kong ah keimah ka vihkhoihning cun an lungfak tuk lai tiah ka ruah hi kong hin , an lungvar pakhat le chawkhonnak bank pakhat an sung ti khawh si fawn. Laimi le ralzaam dang malay i a um mi ruang ah a si lo tawp ti khawh si ko cang! An zia cu an khar tak kho men ko , ralrin cia cu a sual lo .

Muslim Shria law ah cun nudok padok maw nuthil aa thleng mi maw a si hmanh ah nuthil kha hrukaih khawh a si lo i cun nu zun zunnak ah luh khawh a si lo. A case kong ruang ah tu hi trangender pawl nih hi pawl covo hi an aupi len lio si.

Upa cheukhat pawl nih aa chuahpimi thinlung cu nu a si ko caah kha kong cu kan tawlrelpiak kho ko an ti nain a cunglei pahnih kong tu hin cun a luat lai lo, dantat aa huah ko lai. Tu zong na kir duh cun ready a si an ti peng nain a kir duh lo(law thar an serchuah hlan cu a kir ngam tak lai lo: tu an aupi lio lawng a si rih.

Mah nuthil aa hruknak kong ah a timi ,”Keimah le Pathian kar ah a si ko, minung nih dantat a herh lo”.Tam tuk ka tial lai lo, halchap khawh si nan duhmi. Crd-Ceuhmun Thang

Be the first to comment

Leave a Reply

Your email address will not be published.


*