Pi Cer Hliang Tahan ummi nih hi tibantuk hin arak chim. “Pathian nih a ka theihter i Ralrang nihhin thla 3 silole kum 3 an kan uk lai,” tiah kum 2021 February ah rak tuahmi Ramle miphun ca rawlulh thlacam pumhpi nakah a rak chim.
Zingka te-ahkhin ‘kan innpawng Zawngtah kung ah Vaa-te arak ra i, cu vaa nihcun Cer Hliang, Cer Hliang tiah khin a ka auh, ka hei zoh i Cer Hliang Ralkap nih uknak an lak (Aa- naa) an tingmi hi tiin a ka hmuh ter. (Tawh)pa 3 alian pipi a ka hmuhsak. Cu cu zeidah si tiah cun, thla 3 silole kum (3) Ralkap nih uknak an tlei lai tinak asi, tiah Cer Hliang nih cun Pathian nih a hmuhter ming cu arak chim.
Hi Kong he pehtlaiin Cutan ahcun, HaKha times aiawhtu Kalaymyo ah ka rak si. Thawngpawng lak le tial ding theih duh ah nifatin ka rak kal ve. Pi Cer Hliang nih achimmi bia zongcu nifatin thawngzamh ca kan ttialnak head office HaKha ah ka rak kuat i tlangzamh zawng arak si. Culio ahcun lih asi lai an rak ti. Kum 3 cu a rak hlatuk caah kan rak ngaihlah cio. Asi nain nihin ahcun a hman kho men ka ti cang. Kum 2 a liamcang i kum 3 nak asi tikah, Ralhrang nih thimnak kan tuah lai an ti tikah, zeitindah si hnga timi ruahnak a ka ngeih ter tthan.
Tahchunh nakah thimnak khi va tuah kho hna sehlaw thla 6 khi cu Cozahnak tlaitu nih caan a tleih hlanah an chiah hoi ttheu lai i kum 3 a tling hnga. Cubantuk cun va sisehlaw, Pi Cer Hliang nih a chimmi, Pathian theihter ka si a timi cu a hman ko hnga.
Zeidah ka chim duh tiahcun, Even, Pastor le Bible College kai i tthil a theitukmi hna nih, mintthat kawl, fiim le lar pah ah an kan tuaitam tuk i mifiim calawng ah Pathian biakkhawh dengin an chiah cang.
Rak zoh hna hmenh. Minauta pitar putar hna le keimah bantuk pawl khawte mile mihrut-nga hna cu, tlau le molh Pathian timro rak bia khi kan lo.
Rak zohhmenh Lai pitar prophet Pi Cer Hliang nih Pathian nih a ka theihter a timi a hman ahcun, an bia cheukhat hnacu nal ruang le caan ruangah chimmi nan si.Pathian nih an kan dawt i lamdik in amah an kan zumhtet ve ko kan ti ve telai.Crd.Li ante
Leave a Reply