Zeitik hmanh ah na ral kha zeirel loin va nehsawh hlah ti asi. Atulio caan ah thawngpang kan hmuhmi le relmi vialte hi dimawkaresi dohthlennak thazang siloah teinak deuh lawngte rel cio asi.
Khatlei ah philh awk a tha lomi cu Mit Awng Hlai te phu hi vawleicung ramlak ah a thawng ngaimi Rasia nih hriamnam a bawmh timi hi asi. Uknak lei ah a biapimi thonginn, biaceihnak zung, ban (bank), khuapi pawl le ramleng ramchung lutnak airport pawl zong a tlaihkhih khawh rihmi zong tuah chih a hau.
Cun kan khua le ram ah ralkap thazang a hman lonak hi a thazang aa phazau kho lo ca zongah asi kho ko , nain kan khua kan ram ah thilchuah man fak a um lo caah usapek a chiah lo caah asi kho ve thiamthiam. A nih caah abiapimi a chiahnak ramri le thilman sung a chuahnak ah a ralkap a tomtom a kuat caah ka lei ah a cawlcang kho deuh lo ca zongah asi kho.
A fiangmi cu caan a rau kho rih, mah tikah mipi idenkhawnnak siloah faknak a tlawmbik lam thim in hriamnam dohthlennak tuah hi kan dirhmun he a rembik si dawh asi. Mipi um lonak khua siloah kiangkam ah ral sau do khawh asi lo, tupi lakah saram dah ti lo aho minung hmanh sau an um duh bal lo. Mipi a lai chiah in duh zong duh lo zongah thilsining nih a kalpimi hriamnam tlai dohthlennak tuahnak ah mipi tio lo tein dohthlennak tuah hi caansau caah a miak bik kho.Crd-Salai Z T Lian
Leave a Reply