Zei ruangah Thantlang lak nan duh ti cuh khrihfa pa kha zei ruangah vancung kai na duh ti he ai lo.

Zei ruangah Thantlang lak nan duh ti cuh khrihfa pa kha zei ruangah vancung kai na duh ti he ai lo.

Rollin Van Bik Lairam khuapi kip ah hmun a khuarmi Kawl ralkap pawl khi an ci hmih vek kan duh dih hna nain Thantlang bantuk a can ding kan duh cio lo caah tulio kan dirhmun cun va nam awk an ṭha lo timi cu anmah hmanh nih an ifiang tuk.

Nain Thantlang ah a ummi pawl tu khi cu cung he tang he duh tik paoh ah va phomh khawh an si. Cu caah cun zeitluk hmanh in ihrocer len in kan bia va puam hmanh seh, pengtlang dang ah va ṭhawng ko usih law Thantlang hmanh kan tei hlan lo cu MAL a nihchuak ko la.

Thantlang ummi ralhrang hlohnak ah bawmh hal kan ton tikah khuaruahhar ding a si lai lo, bawmh hal chom hau kan simi tu kha khuaruahhar ding a si. Crd.Cung Hu Thang

Matupi-Hakha Lam Ngalai Khua Um SAC Ralkap Cu CDF Nih An Kah Hna

Chin ramkulh, Matupi peng Ngalai khua cu SAC ralkap tam tuk nih an luhhnawh caah CDF Matupi nih kan kah hna, tiah January 15 ah CDF Matupi nih cathanh an chuah.

January 15 zing sml 9:00 hrawngah Matupi-Hakha lam um Ngalai khua cu SAC ralkap 100 hrawng nih an luhhnawh caah CDF Matupi nih an kah hna, tiah theih a si.

Cu kahdohnak ah SAC ralkap pakhat a thi i CDF Matupi in ralkap pakhat zong a tlau, tiah an langhter.

SAC ralkap nih Ngalai khua chungah hriamngan voi tam ngai an kah. Matupi-Hakha lam ah SAC ralkap he zeitik paoh ah kahdohnak a chuak khomi a si, tiah CDF Matupi nih ralrin peknak an tuah.

SAC ralkap nih Matupi peng chungah phone line an phih dih caah Matupi-CDF nih rianrang tein cathanh kan chuah khawh lonak a si, tiah an langhter.The Chin Post

Be the first to comment

Leave a Reply

Your email address will not be published.


*