Zei ruangah dah kawl ralhrang nih CNF upa nakin, KIO,KNU,WAH,AA tibantuk Upa a let in an bia an ngaih deuh hna

Tulio kanram dohthlennak boruak kong ahhin ramkhel (politics) khel hna va virhkhoih thiam tuk le cu tin,kha tin tiah purhdah kherhhlai (tung-tet) va thiam tuk zong a herh lemmi a si lo.

Kan thawn lawnglawng kha a herh cem le biapi bik a si ko,fawi tein tenglak bakin mi a tu khomi “Tanbo” kan ngeih paoh ahcun kan bia zong man a ngei hrim ko lai.

Zei ruangah dah kawl ralhrang nih CNF upa nakin, KIO,KNU,WAH,AA tibantuk Upa a let in an bia an ngaih deuh hna I,an tihzah le upat deuh hna,CNF upa nakin an fim an thiam deuh caah a si hnga maw,a si hrim lo ti cu mihrut zong nih kan hmuh/fian dihmi a si ko.

Cucaah cun a tu hi thawnnak cantha bik cu a si ko cang,ramkhel kong va theih tuk le va thiam tuk zong a herh lem lo,zei bantuk upa nan si pekah lamdang hoi hna va purhdah pi chukcho zong hun kan tim len duh hlah uh,hohmanh nih kan in zum hlei hna lai lo.

Kan thawn lo chung paoh cu,kawl ralhrang hna nih duh paoh in thutdirter mi le,duh paoh in tuahtomi miphun kan si Peng rih ko lai.Crd-Tial Thawng