Zei paoh hi tikcu caan a ngei dih ti asi.

Zei paoh hi tikcu caan a ngei dih ti asi. Thantlang khua sersiam thannak caah atu te in plan tuah hi a tha. Abikin engineer pawl le hruaitu pawl rian ah chiah in an mah nih town plan suai in mipi sinah chuahpi te ding khin an tawlrel te ko lai tiin ka ruah.

Cun thil har ngaingai asi kho mi pakhat cu khua lai i innhmun a ngeimi hna nih an in hmun cu thial piak an duh te hnga maw timi biahalnak hi asi. Hruaitu pawl le innhmun ngeitu pawl karlak ah caan tampi pek a hau te dawh asi.

Voi khat ah thil pakhat tuah tiin mirang pawl nih an chim tawnmi bia hi thil tuah tikah icawn peng ah a tha. Cu lo ahcun khat lei , khi lei kan ti nak ah kan thazang nih a phan kho lo men. Cu lawng asi lo kan vaivuan kho.

Cucaah atulio caan ahhin Thantlang um Kawl ralkap pawl tei khawh nak tu hi 100 % ah 100% thinlung thazang bunh caan asi tiin ka ruah. Mah hnu ah a dot tete in a dang kong ah tawlrel kho sisehlaw lohma a kal bik kho men.Crd-Salai Z T lian