Zarhte ni cu Sunday ni ah an thlen

Lamkaltu 20:7, bia hi Zarhpi ni (SUNDAY) puh pengnak hi hngalh lo ruangah si loin Țan laklawh ruangah a si deuh.

Greek NT ah cun Lamkaltu 20:7, bia hi Shabathron ti a si. Cu a sullam cu thlakhat chungah Shabath ni a hmaisa bik tinak a si. Rev. Dr. David Van Bik nih Baibal a leh hmaisa bik ah khan Shabathron (Zarhte ni) kha a rak hman ko na in Second Edition ahcun Zarh khat chung ni hmaisa bik tiin a thlen ve. Zeica’htiah cun Sunday ni cu Paul khual a tlawn kha a lang fiang tuk ding a si caah Second Angki fit in a fit hi a si.

Jeremiah 8:8, “Zeitindah, ‘Kannih cu kan fim i Bawipa phungbia kha kan ngei’ nan ti khawh? Cazi hna nih pei an hlennak cafung (Ballpen) in lih ah an ser cang hi. ”

Rom Cakuat 1:25″Pathian kong i biatak kha lih ah an thlen.

Note: Hruaitu hmasa hna hnu kan zulh tikah Tiva kam chamnal nih a tuammi Lung nal cu aa lamh sual i a tlu tikah a zultu hna nih a kan hruaitu pei a si cu tiin theih ko bu in Hruaitu pa tluknak Lung a nal mi cu Lam duh ti loin hrial hi kan himnak bik a si.crd-Ephraim Lian Rum

Hlawt Awk Hrim A Herh!Salm 131:1 Maw Bawipa, kaa porhlawtnak kha ka hlawt cang, ka ruam kainak kha ka chuah tak cang. Thil lianngan kha biapi ah ka ruat ti hna lo, ka ca i a hartuk mi thil kha zei ah ka rel ti hna lo.

Lungdai tein um khawh hi a biapi tuk. Ngan dam hna a herh. Dam tein kan um ahcun kan tuah duhmi, tuah khawh tawk hnangam tein tuah a si. Lungdaihnak a hrawk tu hi porhlawt ruamkai hi a si.

Minung a porhlawmi hi zeitik hmanh ah an lung a dai kho lo. An duh zong a tling kho lo. Porhlawmi lungthin cu midang sining he an i epchun tik ah an lung chung khi khuasik can ah tthal nilin a ing peng mi bantuk an si. Rili ti al mi din bantuk a si. Lungthin daihnak pakhat cu a ho he hmanh i epchun lo tein mah tthanchonak zuam ceomau a si.

Salm cattialtu nih aa porhlawtnak hlawt le a ruam kainak chuah tak cangnak kong kha BAWIPA a chimh. A herh ngai. Bawipa kan chimhmi cu a sinah kan Biakam a si ve.

Porhlawtnak hlawt le ruam kainak chuahtak nih him a phi chuahmi cu hnangam le lungdaih a si. Ngakchia nih an nu le ttang cungah himte le dai tein an um bang um nak bawmtu a si. Salm ttialtu nih hnangam kong langhternak ah nu le ttang cung i dai tein ih he a tahchunhmi hi a ttha tuk.

Porhlawtnak hlawt ruam kainak hlawt hi daihnak a si. Pathian nih dai tein a kan thlim hrim ko.Bil Hmung