Zalchiahnel rawn le meithal puah thawng!

Zalchiahnel rawn ah hin tlanval lung ka theih ka hrawng ah khan meithal puah thawng ka rak theih tawn. Ka pu Tum sin ah hin faci erh ah ka rak riak bal ve. Thal phiar aa tlaih i ram a rak vai tawn. Zanlei ni nem i meithal puah thawng ka theih poh ah ruahchannak ka rak ngei. Ka pu Tum nih sa a kah bak lai tiah. Sakhi aa puak i a rak tlung tak tak.

A tu lio zong ah hin Zalchiahnel rawn hrawng ah meithal puah thawng a dai lo an ti. Asinain, tutan meithal puah thawng cu sa kahnak si lo in ral kahnak meithal puah thawng tu an si mu.

Zalchiahnel rawn hrawng ah hin ral kahnak meithal puah thawng kan theih lai tiah a ho nih an rak ruat bal cio lai lo dah.

Pupa hna nih khan an sining tein Japan ral lian zong an rak doh ko. Atu tefa hna chan zong ah Min Aung Hlaing ral hrut an doh ve ṭhiam ṭhiam.

Zalchiahnel rawn hrawnghrang i meithal puah thawng hna hi kan tefa hna nih cun ‘laptop’ le ‘tablet’ a phun phun hmang in tuanbia ah an cawn ve te lai.

(Zalchiahnel rawn hrawng i a thangmi meithal puah thawng nih hin mi thinlung zeimaw zat cu a hlauh ve ṭheo lai!)A Ruang
21/08/2022

Be the first to comment

Leave a Reply

Your email address will not be published.


*