Zaangfah kan nawl ko hna.

Zaangfah kan nawl ko hna. Thinlung, minung le hmunhma tampi in an ra cio i, hibantuk lungrualnak thinlung an ngeih khawh mi hi, upat zia le lomhpi zia kan thiam dingah zaangfah kan nawl ko hna.

Kan thinlung ca ttial phun hi thleng hna usih law a ttha cang lo maw? LUANGRUAL tein hmunkhat te ah silhawh tawk cio in kan dir ah cun teinak kan hmuh mi hi a reng thluahmah ko lai.

A thiambik, a ttha bik, aa dawhbik, pumpak min cawi thlirnak hna hi KAN CHIN MINO tthawnter tu bia le ca ttial kan zuam piak uh. Mi thinlung tthenbau kha i tim hlah uh.Ca ttial tu : LAIMI KA THINLUNG.

Keimah ka dih lo Nangmah na dih .Voikhat ah Mirum pa nih Maung Myat timi a sin rianṭuanmi cu dingfel te in rianṭuan ding in a cawnpiak. Maung Myat nih mirumpa cu I zoh seh tiah aa hrocer. A thaizing in buhkio an ei tikah kheng hnih thum a ei. Cu ti a hleihluat a ei tikah aa nuam ngai.

Mirum pa a pawng a kal lio ah, “Keimah ka dih lo nangmah na dih,”a ti. Tisa an din tikah lakphakchok kha tam taktak in a paih. Kuak an zuk tikah hawinak tam deuh in a zuk I mirumpa phaisa a dihnak lam kha a kawl. A rianṭuan hawi nih an celh lo caah mirumpa sinah an va chimh. Mirumpa nih, “Keimah ka dih lo Amah a dih,” tiah a ti than. Maung Myat cu rianṭuan ah a fel lo pin ah a rianṭuan hawi hna hnawh a pek tikah a hnu cun mirumpa nih rian in a phuah.Maung Myat cu zeiharnak dah a ton:

1) Mirum tha pa sin I a tuahsernak kha a thang ciammam I midang nih rian an pe duh ti lo.

2) Zing chun zan ah kheng 2-3 a ei lo cun a khim tilo, rian ṭuan awk ngeih lo he a rawl a taam peng.

3) Kuak zuk lo in a um kho ti lo.
4) Tisa a din hmanh ah lakphakchok tampi paih lo cun a thawt a thei kho ti lo.

5) A poi bik mi kuak a zuk tuk ruangah zawtnak a ngei.
Maung Myat cu a mah nih a tuhmi lila a zun ṭhan ko, “Keimah ka dih lo, Nangmah na dih,” ti cu a tling ti kha a lung a fiang. Credit / Richard Myo Than

Nanmah le nanmah i hleng hlah u; ahohmanh nih Pathian cu an deh kho lo. Mi nih a tuhmi cu a zun ko lai.(Galati 6:7)Mah Azi