Yebyu Peng Ah SAC Ralkap Mawtaw Run Cu Bomb An Puah Hna I SAC Ralkap 10 An Thi

Yebyu Peng Ah SAC Ralkap Mawtaw Run Cu Bomb An Puah Hna I SAC Ralkap 10 An Thi

Tanintaryi ramthen,Yebyu peng,Ye-Dawei lam meng 22 ah SAC ralkap mawtaw run cu bomb an puah hna i SAC ralkap 10 an thi tiah Yebyu-PDF i tuanvo ngeitu pakhat nih a chim.

February 12 chun sml 2 hrawng ah Ye peng in Thayetchuang peng lei ah a kal mi,SAC ralkap tampi nih an zulh mi SAC mawtaw 17 cu mipi vengtu phu nih bomb an puah hna.Cun kaphnih kahdohnak a chuak i SAC ralkap 10 an thi i 10 leng hliam an hmu tiah theih a si.

“Bomb kan puah hna i an mawtaw a let.Kaphnih kahdohnak 15 mins hrawng a chuak.Kahdohnak hnu ah SAC ralkap nih lam cu an phih.Kan nih zong hnu kan kir caah SAC ralkap pawl an kal ma/an um ti a fiang in kan theih lo” tiah Yebyu-PDF tuanvo ngeith pakhat nih a chim.

Cu kahdohnak cu Yebyu-PDF le Mine Force PDF phu pawl i fonh in an doh mi hna a si i SAC ralkap lei nih 40 MM,60 MM pawl in an kah than hna nain mipi vengtu phu lei him tein hmu an kir kho tiah theih a si.(Crd.Khit Thit Media)CBN