Yangon-Mandalay Lam, Leilawng Lehnak Ruang Ah Minung 3 An Nunnak Liam, 9 Hliamhma An Pu

Yangon-Mandalay Lam, Leilawng Lehnak Ruang Ah Minung 3 An Nunnak Liam, 9 Hliamhma An Pu

Yangon-Mandalay lam mengtung No. 296/6 ah thilphur DYNA leilawng pakhat aa leh caah minung 3 an nunnak a liam i, 9 hliamhma an pu, tiah meithat phu nih cathanh an chuah.

Yangon-Mandalay lam ah a kalmi thilphur leilawng cu February ni 15 zanlei suimilam 5:00PM hrawng ah rang tuk in khalh ruangah aa letmi a si, tiah an langhter.

“A thimi le aa hliammi an tam tiin thawng an kan thanh caah mizaw phurhnak leilawng 4 in kan va chanh hna. Leilawng aa letmi hi mehhang a caw i a kir lei ah aa letmi a si,” tiah mi bawmchantu phu in ṭuanvo ngeitu nih a chim.

Leilawng chung ah minung 14 an i cit i 3 a nunnak a liam, 9 hliamhma an pu i cu chung ah minung 1 hi a hliamhma a fak ngaingai, tiah meithat phu nih cun an langhter.The Chin Post