Yangon Airport kan lak khawh ahcun duh chung in thilri hman cawk lo in a phan lai ti a si.

Yangon Airport kan lak khawh ahcun duh chung in thilri hman cawk lo in a phan lai ti a si.

Airport cu tam lak te a rak tuah cang ti ka theih nain, a rak tuah cio mi Airport pawl hi hman awk a tha hnga lo ma?

Yangon Airport lak cu thil fawi te ah a ruah hoi ko hih.

Bochan tuk ding an si lo, nan i bochan hna lai Zei ngai an tuah kho lai lo a hnu ah i huatnak i ram lo nak a chuak te lai ti kha 2021 ah khan ka rak chim tawn mi a si.Crd-Salai Ceu

Chambaunak I Hngalh Hi Vancung Pennak Chung Luhnak Lam Cu A Si.Mi chambau kan si ti aa hngalmi cu, lunglawmmi nan va si dah! Vancung Pennak cu nanmah ta a si (Matthai 5:3).

Bawi Jesuh mi cawnpiak ning hi midang cawnpiak ning he aa dang ngaingai. Phungbia cawnpiaktu saya hna le Farasi mi hna cawnpiak ning dan he cun aa dang tuk hringhran. Bawi Jesuh cu a zultu hna he khan tlang cungah an kai i a zultu hna kha amah velchum ah cun an ṭhu i a cawnpiak hna.

Jesuh Khrih nih cun hitihin a cawnpiak hna- “Ka thiam lo, san ka tlai lo, ka ti kho lo, kei cu mi chambau ka si ti kha nan i hngalh i, nan santlaih lonak le nan chambaunak kha nan i theih buin Pathian kha nan fuh, nan panh i nan biak a si ahcun cu nih cun Pathian Pennak, Vancung Pennak leiah cun an kalpi hna lai,) tiah a cawnpiak hna.

Bawi Jesuh nih cun “Thlarau ah mi chambau kan si ti aa hngalmi hna cu, lunglawmmi nan va si dah! Vancung Pennak cu nanmah ta a si,” tiah a ti. Bawi Jesuh a zultu hna hi chim le rel le thlacam ah siseh, a dangdang ah siseh midang nakin an thiam deuh ving ko lai. Anmah minung sinak in cun ka thiam dih, ka chambau lo, ka hngalh dih tiah an i ti men ko lai.

Sihmanhsehlaw Bawi Jesuh nih a zultu hna kha nan tlamtling, chambaunak nan ngei lo tiah a ti hna lo. A ruang cu minung cu ahohmanh a tlamtlingmi kan um kho lo. Bawi Jesuh nih cun chambaunak nan ngeih tu kha Pa Pathian sinah i hngal peng u law cu nih cun Vancung Pennak chungah an luhter hna lai a ti.

Kannih cu mah chambaunak kha i hmu loin midang chambaunak tu kha kan hmuh tawn. Midang chambaunak le sualnak va hmuhpiak kha Bawi Jesuh nih a kan cawnpiakmi a si lo. Bawi Jesuh nih a kan cawnpiakmi cu kanmah santlaih lonak, kanmah sualnak le kanmah chambaunak tu kha i hngal in Pathian fuhpanh tu kha Bawi Jesuh nih a kan cawnpiak taktakmi cu a si.

Thlarau ah mi chambau ka si ti i hngalh hi Vancung Pennak chung luhnak lam cu a si. Mi chambau kan si ti aa hngalmi cu, lunglawmmi nan va si dah! Vancung Pennak cu nanmah ta a si.Nan dihlak cungah Bawipa Jesuh vel cu um ko seh. Amen. (Biathlam 22:21) Crd-Biak Lian Thawng