Yangon ah normal ngai in cozah college an kai than ko cang

Tuni zung ka kal ah Suu Kyi inn hmai hrawng ah lam a pit ngai, voidang 2pm ah a pit bal lo. Zeiruang dah a si hnga tiin duhsah cun ka vun mawng thluahmah. US embassy hmai ka phak ah mino tam taktak an zal he ka hmuh hna, UFL bus stop ah khat lak in bus an hngahmi zong ka hmuh fawn hna. Lamzawh lio hna kha a lo pah.

Zei a tuahmi dah an si hnga tiin khua tampi ka ruat. Nain, tlawmpal ka vun kal deuh i University of Foreign Languages(UFL) gate ka phan i sianginn chung in mino tam taktak an rak chuah kha ka hmuh. Motor chung in tlawmpal hman ka thlak hna. Hledan tiang ke in a rami an cat lo, Suu Kyi chan lio college kaimi he an i dannak ka hmu kho lo.

Tanghra tang sianginn cu Kawlmi dihlak an kai cio cang ti ka theihnak a sau cang. Nain, normal ngai in college/university an kai cang timi cu keimah lila zong tuni lawng ka theih ve.

Hitluk college kai an tam hi December thawk in tukum tanghra awng vialte college kai hram an i thawk caah si dawh a si. Mandalay in thlanglei Kawlrawn vialte cu normal ngai in an mino pawl sianginn an kai cang tinak a si.Crd-Salai Lungthli Tum

Be the first to comment

Leave a Reply

Your email address will not be published.


*