Vawlei ralpi pathumnak a chuak lai maw? The Prospect of World War III
Herbert W. Armstrong timi pa a rak um. Worldwide Church of God a rak dirhtu, American Evangelist a rak si. An rak ṭhawng hringhran.
Vawlei pumpi bakah “The Plain Truth” timi caan donghnak kong deuh, le Khrihfa innchungkhar kong deuh he ai pehtlaimi magazine khi a lakin an rak phawt khawh.
An mekazin ah cun, Biathlam chung biathup hrilhfiahnak khi an rak telh chih lengmang.
Rev Amstrong nihcun “Vawlei caan dongh lai ah cun, buainak a phunphun le harnak a phunphun a chuak te lai. Mimolh pa nih nuclear hriammam hmangin minung tam tuk thihnak ral a thawhpi te lai,” tiah a rak ti.
Ukraine ralkap lubik Gen. Valeriy Zaluzhnyi, le a changtu Lt. Gen. Mykhailo Zabrodskyi nihcun, “Russia nih nuclear hriamnam a hman khawh dahkaw” tiah kan hnu thla ahkhan ralrin peknak bia an chim.
Russia nih nuclear hriamnam a hman sual ahcun, Ukraine nih kan doh kho ti hna lai lo tiah Sept.7 ah an rak phuan cu si.
Anmah pahnih lawng cu an si lo. Ukrainian minta pa President Volodymyr Zelenskyy zong nih NBC News he March i bia an rak iruahnak ah, vawlei ralpi pathumnak (WW III) cu aa thawk cang ko tiah a rak ti.
Cu Zalensaki biachim hrawnghrang ah cun, media tampi nih vawlei ralpi a chuak kho ti phun deuh in an rak langhter cio. New York Times timipi hmanh nih “Mah ti hin dahkaw Ralpi Pathumnak cu aa thawk ko cu” an rak ti phah. “This Is How World War III Begins.”
Russia lei TV zong ah, “Ralpi taktak WWIII cu aa thawk ko cang” tiah an chim tiin NY Post zong nih a rak thanh.
Acheu tuakning ah cun, Russia nih Ukraine a va tuk tik i a ralkap an sungh tuk, an rak phomh cek hna ahcun, a nuclear hriamnam pawl a hman te khawh dahkaw ti kha a rak si.
Business Insider tehna zong ah Russia nih Ukraine a tuk ruangah WWIII mei-alh a hlioter te khawh dahkaw tiah an rak thanh ve.
Kan hnu zarh ahkhan New Yorker nih NATO te ho nih Ukraine bawm in ral an tuknak khi “WWIII chungah kan lut cang ko tinak si ko lo maw?” ti in capar an thai.
WWIII chung kan lut cang an timi cu a dik maw? Vawlei pumpi ral ituknak ding dirhmun cu kan phan cang maw? WWIII cu si tak maw?
A si tak rih lo.
Jesuh nihcun, “Ral ituknak thawngpang le Ralpi a tho lai tbk biasiphai cu nan theih lai: nain nan lungre thei hlah u: zeicahtiah mah thil vialte cu an liam dih ko lai, nain a dongh ni a phan rih lo ti nan hmuh te lai,” a rak ti. Mirang baibal caang kha Lai in ka lehmi a si. (Mathai 24:6)
Kan Lai Baibal thiang tu ah cun hiti hin a kan chimh. Lam nai i an i tuknak thawng le lam hla i an i tuknak thawngpang kha nan theih hna lai; sihmanhsehlaw nan awlokchong hlah u. Cu bantuk thil cu an um hrimhrim awk a si ko, asinain a donghnak a phan cang tinak a si lo.Ram khat le ram khat an i do lai, peng khat le peng khat an i tu lai. A kenkip ah mangṭam le lihnin a tlung lai.
Jesuh chimphuanmi bia ningah cun, WWIII cu hiti hin ithawk dawh a si, an ti.
Cun Jesuh nih cun, “Nannih nih Jerusalem khua kha ralkap i an kulh nan hmuh tikah a rauh hlanah a rawk cang lai ti kha hngalh u. “And when ye shall see Jerusalem compassed with armies, then know that the desolation thereof is nigh” (Luke 21:20).
Naite Putin te phu an van itlirhkhawn ning bel khan cun, nuclear hriamnam hman itimh ding phun an si. Nuclear hriamnam an hman ahcun, Russia nih Europe dihlak a tuk bantuk khi si hnga.WWIII cu ai thawk colh ding phun a lo.
Baibal thiamsang cheukhat nihcun Putin le Russia cawlcanghning hi cuanh phot ding cu si. Nain, WWIII ai thawknak cu si lo, an ti.crd-Salai C Alexander
Leave a Reply